കാലത്തിന്റെ നനുത്ത ഇടവേളകളിൽ, നിശ്ചയദാർഢ്യത്തോടെ സത്യത്തിന്റെ ഉപ്പുചുവയ്ക്കുന്ന ഒരു പിടി കഥകളുമായി വരണം.
വന്നുചേരുന്നവരും ഇറങ്ങിപ്പോകുന്നവരും, മനസ്സറിയുന്നില്ലെന്ന തിരിച്ചറിവിലാണ് നാം സംഘർഷഭരിതരാവുന്നതും ഹൃദയം പണിമുടക്കുന്നതും .
സ്വയം അപരിചിതരാവുമ്പോൾ ഒരു വിരൽ സ്വന്തം മുഖത്തിനു നേരെ ചൂണ്ടി ചോദിക്കുക.
” നീ ആരാണ്..”?
താനാരാണെന്ന് വ്യക്തത വരുമ്പോൾ, കർമ്മപഥത്തിലേയ്ക്കാവുന്നത്ര വേഗത്തിൽ സഞ്ചരിച്ചു തുടങ്ങണം..
കയറ്റിറക്കങ്ങളിലൂടെ, പരിചിതർക്കും അപരിചിതർക്കുമിടയിലൂടെ, കൊടുങ്കാറ്റിനെ വകഞ്ഞു മാറ്റി ജീവിത പുസ്തകത്തിൽ അടയാളപ്പെടുത്തണം..
നീ ആരാണെന്ന്…
