പുതിയൊരു സംസ്ക്കാരത്തിൻ വിളവുണ്ടദിനത്തിന്റെ
തേനൂറും വാക്കല്ലയോ ” കേരളം “സഹജരേ….?
വ്യതസ്ഥമാം മൂന്നു ഭരണക്രമങ്ങളെ
ഏകോപിപ്പിച്ച്
ഉണ്മയെ പ്രദാനം ചെയ്തല്ലയോ
നാമിന്നു വാഴുന്നതാം
കേരളമഹാഭൂമിയുടെ
ചട്ടയും ചട്ടങ്ങളുമണിഞ്ഞ നാടായത്?
നമ്പുരാർ മദംപൊട്ടി വാണതാം; ഇംഗ്ലീഷരും !
ജനസാമാന്യത്തിൻ കടയ്ക്കൽ കത്തിതാണിരുന്നതും !!
ജാതീയ മേൽക്കോയ്മതൻ നുകത്തിലമർന്നതും !
മറക്കാൻ കഴിയുമോ പൗരബോധികൾക്കോർത്താൽ…..?
മാനവനീതിക്കായി പ്പൊരുതി: എത്രയോ ധീരവീരർ
ജീവനെ ബലിയർപ്പിച്ച്‌
ഈ നാടിൻനന്മയ്ക്കായി….,
ഓർക്കേണ്ടയോ നാടിതിൻ ചരിതങ്ങളോരോന്നായ്
ഓർക്കാനും ഓർമ്മപ്പൂക്കളർപ്പിക്കുവാനും
“യശ്ശസ്” വാനിലേക്കുയർത്താനും
നമ്മളൊന്നായ് ഒന്നിച്ചു
നിൽക്കേണ്ടയോ?
മലയാളമുരചെയ്യും സഹോദരക്കൂട്ടങ്ങളെ
ഒരുകുടയ്ക്കുള്ളിൽ നിർത്തി കാടത്വക്കൊടും താപമേൽക്കാതല്ലോ…!!
അകലക്കണ്ടാൽപ്പോലും
അയിത്തം നിനച്ചുള്ള
മനുഷ്യ ഹീനന്മാരോടെന്നെന്നും പൊരുതിപ്പൊരുതി
നേടിയതല്ലോ ഇന്നു നാം കാണുന്നതാം കേരളവെളിച്ചത്തെ .
ആ , മഹാനുഭാവർക്കായി ഏകിടേണ്ടയോ നമ്മൾ
ഇറ്റുവാർന്നൊഴുകുന്ന സ്നേഹപ്പൂക്കളായ് മാത്ര…. .
കേരള വെളിച്ചത്തിൻ കാരണീയർക്കും നൽകാം
കോമളാംഗിയാം ചോപ്പിൻ സ്മൃതിപ്പൂക്കളേ ഇന്ന് .
വീണ്ടുമാ പ്രതാപത്തെ നശിപ്പിക്കാനൊരുങ്ങുന്നു
അണിയറക്കൊട്ടും പാട്ടും
കുഴലൂത്തുംനടത്തുന്നു !!.
അന്ധതപ്പുൽകർ ! അവർ വെളിച്ചത്തിൻ ശത്രുക്കളും !
മൂഷികരവരെ നാം സൂക്ഷിക്കവേണം സദാ….
കാർന്നുതിന്നീടുമവർ ഇരിപ്പിടം നിമിഷത്തിൽ….!!
