സോസേജ് ഫ്രൂട്ട് – ലീലമ്മ തോമസ്, ബോട്സ്വാന

Kigelia africana.. ആഫ്രിക്കൻ സോസേജ് മരം

ഭൂമിയിലെ അപൂർവ സസ്യങ്ങളുടെ രഹസ്യങ്ങൾ തേടി, കാടിന്റെ വന്യതയിലേക്ക് നടത്തിയ ഒരു യാത്രയായിരുന്നു അത്.

ബോട്സ്വാനയുടെ ഉൾപ്രദേശങ്ങളിൽ കണ്ട ഒരു വിചിത്രമരം എന്റെ ശ്രദ്ധ പിടിച്ചുപറ്റി..Kigelia africana. സാധാരണയായി Sausage Tree എന്നു വിളിക്കുന്ന മരം.

പേരിനേക്കാൾ കൗതുകകരമാണ് അതിന്റെ ഫലം.

കൊമ്പുകളിൽ നിന്ന് നീണ്ട തണ്ടുകളിലൂടെ താഴേക്ക് തൂങ്ങിക്കിടക്കുന്ന വലിപ്പമേറിയ ഫലങ്ങൾ ദൂരത്തുനിന്നുതന്നെ കണ്ണിൽപ്പെടും. കണ്ടാൽ ശരിക്കും ഒരു വലിയ സോസേജ് തൂക്കിയിട്ടതുപോലെ തോന്നും. അതുകൊണ്ടുതന്നെയാണ് ഈ മരത്തിന് “Sausage Tree” എന്ന പേര് കിട്ടിയത്.

പക്ഷേ, ഈ മരത്തിന്റെ കഥ അതിന്റെ രൂപത്തിൽ അവസാനിക്കുന്നില്ല.

ഒരു ദിവസം ഞാൻ കണ്ട കാഴ്ച കുറച്ചുകൂടി കൗതുകകരമായിരുന്നു.

മരത്തിന്റെ ചുവട്ടിൽ പുരുഷന്മാർ മാത്രം.

ചിലർ ഫലം വാങ്ങുന്നു.
ചാക്കിലാക്കി കൊണ്ടുപോകുന്നു.

ഒരു സ്ത്രീയെയും അവിടെ കണ്ടില്ല.

എന്തിനാണ് ഇത്രയും പുരുഷന്മാർ മാത്രം ഈ ഫലം വാങ്ങുന്നത് എന്ന് എനിക്കൊന്നും അറിയില്ലായിരുന്നു. കാര്യം അറിയാതെ ഞാനും പോയി ഒരെണ്ണം വാങ്ങി.

അപ്പോഴാണ് ചുറ്റുമുണ്ടായിരുന്ന പുരുഷന്മാർ അർത്ഥം വെച്ചൊരു ചിരി ചിരിച്ചത്.

ഞാൻ കാര്യമറിയാതെ അവരുടെ കൂടെ ചിരിച്ചു.

പൊട്ടൻ വെടിക്കെട്ട് കാണുന്നതുപോലെ!

പിന്നീടാണ് മനസ്സിലായത്… ഈ വിചിത്രഫലത്തിന് ചില ആഫ്രിക്കൻ സമൂഹങ്ങളുടെ പരമ്പരാഗത വിശ്വാസങ്ങളിലും ഉപയോഗങ്ങളിലും ലൈംഗികാരോഗ്യവുമായി ബന്ധപ്പെട്ട ഒരു പ്രത്യേക സ്ഥാനം ഉണ്ടെന്ന്.

വിശ്വാസവും ഔഷധവും

ആഫ്രിക്കയിലെ വിവിധ സമൂഹങ്ങളിൽ Kigelia africana നൂറ്റാണ്ടുകളായി പരമ്പരാഗത ചികിത്സാരീതികളിൽ ഉപയോഗിച്ചുവരുന്നു. മുറിവുകൾ, ചർമ്മപ്രശ്നങ്ങൾ, വീക്കം തുടങ്ങിയ പല അവസ്ഥകൾക്കും മരത്തിന്റെ വിവിധ ഭാഗങ്ങൾ ഉപയോഗിച്ചിരുന്നുവെന്ന് സസ്യശാസ്ത്ര-എത്‌നോമെഡിസിൻ പഠനങ്ങൾ രേഖപ്പെടുത്തുന്നു.

ഇതിന്റെ മറ്റൊരു കൗതുകകരമായ വശം ലൈംഗികാരോഗ്യവും പ്രജനനവുമായി ബന്ധപ്പെട്ട പരമ്പരാഗത ഉപയോഗങ്ങളാണ്.

ചില സമൂഹങ്ങളിൽ ഫലവും മറ്റ് സസ്യഭാഗങ്ങളും ലൈംഗികാരോഗ്യവുമായി ബന്ധപ്പെട്ട ആവശ്യങ്ങൾക്കായി ഉപയോഗിച്ചിരുന്നുവെന്ന് രേഖകളുണ്ട്. അതുകൊണ്ടുതന്നെ ചില പഠനങ്ങളിൽ ഇതിനെ aphrodisiac ആയി പരാമർശിക്കുകയും ചെയ്തിട്ടുണ്ട്.

പക്ഷേ ഇവിടെ ഒരു അതിർത്തിയുണ്ട്.

വിശ്വാസം ഒന്നാണ്.
ശാസ്ത്രീയ തെളിവ് മറ്റൊന്നാണ്.

Kigelia africanaയിൽ iridoids, naphthoquinones, flavonoids, terpenes തുടങ്ങിയ ജൈവസജീവ ഘടകങ്ങൾ കണ്ടെത്തിയിട്ടുണ്ട്. ലബോറട്ടറി പഠനങ്ങളിൽ ആന്റിഓക്സിഡന്റ്, ആന്റിമൈക്രോബയൽ, ആന്റി-ഇൻഫ്ലമേറ്ററി തുടങ്ങിയ പ്രവർത്തനങ്ങളും റിപ്പോർട്ട് ചെയ്യപ്പെട്ടിട്ടുണ്ട്.

എന്നാൽ മനുഷ്യരിൽ ലൈംഗികശേഷി വർധിപ്പിക്കുകയോ ഫെർട്ടിലിറ്റി കൂട്ടുകയോ ചെയ്യുന്നു എന്ന അവകാശവാദങ്ങൾ ഗ്രാമക്കാർ ഉറപ്പിക്കുന്നു.

എന്നാൽ ആ ഗ്രാമവാസികൾക്ക് ഇത് വെറുമൊരു ഫ്രൂട്ട് ആയിരുന്നില്ല.

അവരുടെ വിശ്വാസത്തിൽ, ഇത് പുരുഷന്മാരുടെ ആരോഗ്യത്തോടും ശക്തിയോടും ബന്ധപ്പെട്ട ഒരു പഴമായിരുന്നു.

അവരുടെ വിശ്വാസത്തെ ഞാൻ പരിഹസിച്ചില്ല.

കാരണം കാടിനെ അറിയണമെങ്കിൽ,
കാടിന്റെ പുസ്തകം മാത്രം വായിച്ചാൽ പോരാ,
കാടിനൊപ്പം ജീവിച്ച മനുഷ്യരെയും കേൾക്കണം.

പ്രകൃതിയെ വിശ്വസിക്കാം,പക്ഷേ അന്ധമായി അല്ല

പ്രകൃതിയിലെ ഓരോ ഔഷധസസ്യവും സ്വയം ചികിത്സയ്ക്കുള്ള മരുന്നല്ല.

കാടിന്റെ നടുവിൽ നീണ്ട തണ്ടിൽ തൂങ്ങിക്കിടന്ന ആ വിചിത്രഫലം എന്നെ മറ്റൊരു കാര്യം കൂടി പഠിപ്പിച്ചു.

പ്രകൃതിയുടെ രഹസ്യങ്ങളെ
അത്ഭുതത്തോടെ നോക്കാം.

പക്ഷേ അത്ഭുതത്തെ
അടിസ്ഥാനമാക്കി

അവിടെ ശാസ്ത്രത്തിന്റെ വാതിൽ
തുറന്നിരിക്കണം.

ആഫ്രിക്കൻ കാടുകൾക്ക്
ഔഷധരഹസ്യങ്ങളുണ്ട്.

പക്ഷേ കാടിന്റെ ഓരോ രഹസ്യവും
മനുഷ്യന്റെ കൈയിലെ മരുന്നാകണമെന്നില്ല.

അവസാനം കാട്ടിലെ ഒരു മൂപ്പൻ പറഞ്ഞ വാക്കുകൾ ഇന്നും എന്റെ മനസ്സിലുണ്ട്,

“ചില രഹസ്യങ്ങൾ
രഹസ്യങ്ങളായി തന്നെ
കാട്ടിൽ ജീവിക്കട്ടെ…”