തുളസിക്കതിരേ, തിരുമലരേ,
തൂമണം തൂകും തങ്കക്കതിരേ,
തറവാട്ടങ്കണത്തറയിൽ നീ
തപസ്സിരിക്കും തപസ്വിനിയോ?
പുലരിപ്പൊൻകതിർ പൂക്കും നേരം
പൂമുഖവാതിൽ തുറക്കും നേരം,
പുണ്യം പൂക്കും പരിമളമായ്
പൂജയ്ക്കണയും പൂങ്കുലയോ നീ?
മുത്തുകൾ പോലെ മഞ്ഞിൻതുള്ളി
മുത്തം വെച്ചൊരു മരതകമേ,
മുല്ലപ്പൂവിൻ മൃദുഹാസംപോൽ
മന്ദമാരുതനിൽ ഉലയുമ്പോൾ
സന്ധ്യാദീപം തെളിയും നേരം
സ്വർണ്ണപ്രഭയിൽ തിളങ്ങും നീ,
അമ്മതൻ പ്രാർത്ഥന കേട്ടു ചിരിക്കും
അമ്പലമണിയുടെ നാദം പോലെ.












