ഞാൻ നിന്നിലേക്കും
നീ എന്നിലേക്കും
നടക്കാൻ തുടങ്ങിയിട്ട്
കാലമെത്രയായി !
നടന്ന്, നടന്ന് ഞാൻ എന്നിലും
നീ നിന്നിലും തന്നെ എത്തി –
ച്ചേരുന്നല്ലോ !!-
പ്രണയമേ,
കവിതയും,കാല്പനികതയും
മാറ്റി നിർത്തി
ഞാൻ നിന്നോടൊരു
അപ്രിയ സത്യം പറയാം
നമ്മളൊന്ന് നമ്മളൊന്നെന്ന്
ചുണ്ടുകൾ കൊരുത്തു കൊണ്ടി-
രിക്കുമ്പോഴും
ഞാൻ, ഞാനെന്ന് മാത്രം
ഉള്ളിലൊരു ചൂണ്ട കൊളുത്തി –
വലിക്കുന്നുണ്ട്
About The Author
