”ക’ വിതച്ചപ്പോൾ – അഡ്വ. റോയി പഞ്ഞിക്കാരൻ (ഇംഗ്ലണ്ട്)

കാലത്തിന്റെ കരവിരുതിൽ
കണ്ടതെല്ലാം കമനീയം
കാലചക്രം തിരിയുമ്പോൾ
കാലം കരുതി വെച്ചത്
കാണാതെ പോകുന്നു നമ്മളിൽ പലരും.
കാത്തു നിൽക്കാത്ത കാലത്തെ
കൈയൊഴിയാതെ വയ്യല്ലോ .
കഷ്ടത്തെ കാലം മറച്ചു വെക്കും .
കഷ്ടത്തെ കാലം ചിലപ്പോൾ മായ്ച്ചു കളയും .
കാത്തിരിപ്പിന്റെ കുഞ്ഞു കുഞ്ഞു കൈവഴികളിൽ
കാലം കരുതി വെക്കുന്ന കണ്ണീർമുത്തുകൾ !
കാലം വരച്ചിടുന്ന ചുമർചിത്രങ്ങൾ
കഴുകി കളയാനാവില്ല.
കണ്ടുകൊണ്ടിരിക്കുന്നവരെ
കൊറോണ കൊണ്ടുപോകുന്ന കാലം
കാലം തെറ്റി വിരിയുന്ന പൂവിനോട് ,
കാത്തിരിക്കുന്നു ഞങ്ങൾ, വീണ്ടുമൊരു
കവിത തുളുമ്പുന്ന വസന്തകാലം .

അഡ്വ. റോയ് പഞ്ഞിക്കാരൻ