വിജനതയില് ദൂരെ മിഴിചാരി നില്ക്കേ,
വിരഹമോഹങ്ങള് വിരുന്നു വന്നു;
ഉഷസ് ഉണരുമ്പോല് ഉയരാന് കൊതിച്ചു,
മൗനമായ് മനസ്സിന് താഴ്വരയില്.
കാറ്റിന് താളത്തില് ഓര്മ്മകള് വീശി,
നിന് ചിരിയെന്നപോല് മനസ്സില് മൂളി;
കാണാതിരിക്കിലും ഹൃദയം അറിയുന്നു,
നീ എവിടെയോ ഇന്നും നിശ്വാസമായ്.
നിശ്ശബ്ദ യാമത്തില് നക്ഷത്രനടുവിലായ്,
കൊഴിഞ്ഞ ബാല്യം നീ മനസ്സിലൂറി;
കൗമാരകല്പങ്ങള് ചിറക് വിരിക്കുന്നു,
മായാതെ മറയാതെ എന്നിലെന്നും.
സുവര്ണ്ണ സ്വപ്നങ്ങള് മാറാതെ തഴുകിയും,
പുതുവെളിച്ചത്തിന് ഹൃദയതാളം;
പൊയ്പ്പോയ കാലം മറക്കുവാനാകാതെ,
പൊന്തൂവല് സ്പര്ശമായ് എന് മനസ്സിനുള്ളില്.
