വിവാദങ്ങൾക്കിടെ ഇന്ത്യയുമായുള്ള ഉഭയകക്ഷി ബന്ധം ശക്തിപ്പെടുത്തുമെന്ന് ചൈനീസ് പ്രതിനിധി

Facebook
Twitter
WhatsApp
Email

India- China relations: വിവാദങ്ങൾക്കിടെ ഇന്ത്യയുമായുള്ള ഉഭയകക്ഷി ബന്ധം ശക്തിപ്പെടുത്തുമെന്ന് ചൈനീസ് പ്രതിനിധി ഴ ലിയു പറഞ്ഞു. അരുണാചൽ പ്രദേശിൽ നിന്നുള്ള മൂന്ന് വുഷു കളിക്കാർക്ക് വിസ നിഷേധിച്ച ചൈനയുടെ തീരുമാനത്തെച്ചൊല്ലിയുള്ള തർക്കം തുടരുന്നതിനിടെയാണ് ലിയുവിന്റെ പ്രസ്താവന.

രാജ്യങ്ങൾ തമ്മിലുള്ള നിലവിലെ ബന്ധം സുസ്ഥിരമാണെന്നും ഇരു രാജ്യങ്ങളിലെയും നേതാക്കൾ തമ്മിൽ സംഭാഷണവും ആശയവിനിമയവും നിലനിർത്തുന്നുണ്ടെന്നും മാധ്യമങ്ങളോട് സംസാരിക്കവെ ലിയു വ്യക്തമാക്കി.

“ഇരു രാജ്യങ്ങളിലെയും നേതാക്കൾ തമ്മിലുള്ള സംഭാഷണവും ആശയവിനിമയവും ശക്തിപ്പെടുത്താനും, നിലവിലെ ബുദ്ധിമുട്ടുകൾ പരിഹരിച്ച് ആരോഗ്യകരവും സുസ്ഥിരവുമായ പാതയിൽ ഉഭയകക്ഷി ബന്ധത്തിന്റെ വികസനം പ്രോത്സാഹിപ്പിക്കാനും, ഇന്ത്യയുമായി ചേർന്ന് പ്രവർത്തിക്കാൻ ചൈന തയ്യാറാണ്.”- ലിയോ വ്യക്തമാക്കി. പീപ്പിൾസ് റിപ്പബ്ലിക് ഓഫ് ചൈന സ്ഥാപിതമായതിന്റെ 74-ാം വാർഷികം ആഘോഷിക്കുന്ന പരിപാടിയിൽ സംസാരിക്കുകയായിരുന്നു അദ്ദേഹം.

ലോകസമാധാനത്തിന്റെ നിർമ്മാതാവായും ആഗോള വികസനത്തിന് സംഭാവന ചെയ്യുന്ന ശക്തിയായും, അന്താരാഷ്ട്ര ക്രമത്തിന്റെ സംരക്ഷകനായും പ്രവർത്തിക്കാൻ, ഇന്ത്യ ഉൾപ്പെടെ എല്ലാ അയൽ രാജ്യങ്ങളുമായും പ്രവർത്തിക്കാൻ തയ്യാറാണെന്നും അദ്ദേഹം കൂട്ടിച്ചേർത്തു.

 

ഏഷ്യൻ ഗെയിംസിൽ നിന്ന് മൂന്ന് ഇന്ത്യൻ അത്‌ലറ്റുകളെ ചൈന വിലക്കി; സന്ദർശനം റദ്ദാക്കി കായിക മന്ത്രി

 

ചൈനയിലേക്കുള്ള സന്ദർശനം റദ്ദാക്കി ഇന്ത്യയുടെ വാർത്താവിതരണ പ്രക്ഷേപണ, യുവജനകാര്യ, കായിക മന്ത്രി അനുരാഗ് താക്കൂർ.  ഏഷ്യൻ ഗെയിംസിൽ നിന്ന് മൂന്ന് ഇന്ത്യൻ അത്‌ലറ്റുകളെ ചൈന വിലക്കിയതിനെ തുടർന്നാണ് നടപടി. ഇന്ത്യൻ വുഷു താരങ്ങളായ നെയ്മാൻ വാങ്‌സു, ഒനിലു ടെഗ, മെപുങ് ലാംഗു എന്നിവർക്ക് ചൈനയിലേക്കുള്ള പ്രവേശനം നിഷേധിച്ചിരുന്നു.

അതേസമയം മറ്റ് ഏഴ് കളിക്കാരും ജീവനക്കാരും ഉൾപ്പെടുന്ന ഇന്ത്യൻ വുഷു ടീമിലെ മറ്റ് അംഗങ്ങൾ  ഹോങ്കോങ്ങിലേക്ക് പോയി. അവിടെ നിന്ന് ചൈനയിലെ ഹാങ്‌ഷൂവിലേക്ക് വിമാനം കയറി.

“ഇന്ത്യൻ പൗരന്മാരെ പ്രദേശത്തിന്റെ അടിസ്ഥാനത്തിൽ വ്യത്യസ്തമായി പരിഗണിക്കുന്നത് ഇന്ത്യ അനുകൂലിക്കുന്നില്ല.”- അരുണാചൽ പ്രദേശിൽ നിന്നുള്ള കായിക താരങ്ങൾക്കുള്ള അംഗീകാരം ചൈന നിഷേധിച്ചതിനെ കുറിച്ച് എംഇഎയുടെ പ്രസ്താവനയിൽ അറിയിച്ചു.

“ചൈനയുടെ ഈ നടപടി ഏഷ്യൻ ഗെയിംസിന്റെ ചൈതന്യവും നിയമങ്ങളും ലംഘിക്കുന്നതാണെന്നും എംഇഎ പറഞ്ഞു. ഡൽഹി ജവഹർലാൽ നെഹ്‌റു സ്റ്റേഡിയത്തിലെ സ്‌പോർട്‌സ് അതോറിറ്റി ഓഫ് ഇന്ത്യ ഹോസ്റ്റലിലേക്കാണ് വിലക്കിയ  ഇന്ത്യൻ താരങ്ങളെ തിരികെ കൊണ്ടുവന്നത്.

ഏഷ്യൻ ഗെയിംസിന്റെ സംഘാടക സമിതിയുമായും ഒസിഎ (ഒളിമ്പിക് കൗൺസിൽ ഓഫ് ഏഷ്യ)മായും വിഷയം ചർച്ച ചെയ്തതായി വുഷു ടീമിനൊപ്പം ചൈനയിലെ ഒരു ഉന്നത സ്രോതസ്സ് ഇന്ത്യ ടുഡേയോട് പറഞ്ഞു. പ്രശ്‌നം ഉടൻ പരിഹരിക്കപ്പെടുമെന്നാണ് പ്രതീക്ഷയെന്നും അവർ വ്യക്തമാക്കി.

ചൈനയുടെ പ്രതികരണം

“ആതിഥേയ രാജ്യം എന്ന നിലയിൽ, നിയമപരമായ രേഖകളുമായി ഏഷ്യൻ ഗെയിംസിൽ പങ്കെടുക്കാൻ ഹാങ്‌ഷൗവിലേക്ക് വരാൻ ചൈന എല്ലാ രാജ്യങ്ങളിൽ നിന്നുമുള്ള അത്‌ലറ്റുകളെ സ്വാഗതം ചെയ്യുന്നു.”- ഇന്ത്യൻ താരങ്ങൾക്ക് ചൈനയിൽ പ്രവേശനം നിഷേധിച്ചതിനെക്കുറിച്ചുള്ള റിപ്പോർട്ടുകളോട് പ്രതികരിച്ചുകൊണ്ട് രാജ്യത്തിന്റെ വിദേശകാര്യ മന്ത്രാലയ വക്താവ് മാവോ നിംഗ് വ്യക്തമാക്കി.

Credits: https://malayalam.indiatoday.in/

About The Author

Leave a Reply

Your email address will not be published. Required fields are marked *