ന്യൂഡൽഹി: ഇന്ത്യയുടെ കോവിഡ് വാക്സീൻ കയറ്റുമതി നയം പാളിയതായി റിപ്പോർട്ട്. വാക്സീൻ കയറ്റി അയച്ചത് ഇന്ത്യയേക്കാൾ രോഗവ്യാപനം കുറഞ്ഞ രാജ്യങ്ങളിലേക്കേയിരുന്നെന്നാണ് നിലവിൽ പുറത്തുവരുന്ന റിപ്പോർട്ട്. വാക്സീൻ കിട്ടിയ 88 രാജ്യങ്ങളിൽ 64 രാജ്യങ്ങളിലും രോഗ വ്യാപനനിരക്ക് ഇന്ത്യയേക്കാൾ കുറവായിരുന്നു. ആറ് കോടിയിലധികം വാക്സീൻ ഡോസുകളാണ് ഇന്ത്യ കയറ്റി അയച്ചത്. രാജ്യത്ത് വാക്സീൻ ക്ഷാമം രൂക്ഷമാകുന്ന സാഹചര്യത്തിൽ കയറ്റുമതി നിർത്തണമെന്ന ആവശ്യങ്ങൾ പല കോണിൽ നിന്നും ഉയർന്നിരുന്നു.
