കോവിഡ് കേസുകൾ പൊടുന്നതെ വർദ്ധിച്ച സാഹചര്യത്തിൽ സജ്ജീകരണങ്ങൾ ശക്തമാക്കി ചൈന. ജിലിൻ എന്ന നഗരത്തിൽ താൽക്കാലികമായി ആശുപത്രി പണിഞ്ഞ് തുടങ്ങി. 6 ദിവസം കൊണ്ട് 6000 കിടക്കകളാണ് ഒരുക്കുന്നത്.ചൈനയിലെ വാർത്താ ഏജൻസിയാണ് വാർത്തയും വിഡിയോയും പുറത്ത് വിട്ടിരിക്കുന്നത്.
വടക്കുകിഴക്കൻ ചൈനയിലെ ജിലിനിൽ ആശുപത്രി പണിയുന്നതിന്റെ വിഡിയോ ആണിത്. മാർച്ച് 12–നകം തന്നെ 3 ആശുപത്രികൾ പണികഴിപ്പിച്ചിരുന്നു. നഗരത്തിൽ മാത്രം ആയിരത്തിലേറെപ്പേർക്ക് കോവിഡ് സ്ഥിരീകരിച്ചതിനെ തുടർന്നാണ് ഇത്. വ്യാപനതോത് കുറയ്ക്കാനായി കൂടുതലാളുകളെ പരിശോധനയ്ക്ക് വിധേയരാക്കുന്നുണ്ട്. സിപിങ്, ദുന്ഹുവ തുടങ്ങിയ നഗരങ്ങളിൽ പൂർണമായും അടച്ചിടലും ഏർപ്പെടുത്തി. ഷാങ്ഹായിയിൽ സ്കൂളുകളും റെസ്റ്റോറന്റുകളും, ഷോപ്പിങ് മാളുകളും കച്ചവട സ്ഥാപനങ്ങളുമെല്ലാം താൽക്കാലികമായി അടച്ചിട്ടിരിക്കുകയാണ്.
