കെ.എസ്.ആർ.ടി.സിയിൽ ശമ്പളവിതരണം പത്താം തീയതിയും നൽകാൻ കഴിഞ്ഞേക്കില്ല. പത്താം തിയതി ശമ്പളം നല്കുമെന്നാണ് ചർച്ചയിൽ നൽകിയ ഉറപ്പെങ്കിലും ശമ്പളത്തുക കണ്ടെത്തുന്നതിന് കൂടുതൽ സമയം വേണ്ടി വരും. എല്ലാക്കാലത്തും കെ.എസ്.ആർ.ടി.സിക്ക് ശമ്പളം നൽകാൻ കഴിയില്ലെന്നാണ് ധനവകുപ്പിന്റെ നിലപാട്.
വിവിധയിടങ്ങളിൽ നിന്ന് വായ്പക്ക് ശ്രമിക്കുന്നുണ്ടെങ്കിലും ഈ മാസം പകുതിക്ക് ശേഷം മാത്രമായിരിക്കും ശമ്പളവിതരണം ആരംഭിക്കുക. അതേസമയം ഒരു കോടിയിലധികം രൂപ ചെലവഴിച്ച് ബസുകൾ കഴുകുന്നതിനായി ഓട്ടോമാറ്റിക് വാഷിങ് മെഷീൻ വാങ്ങുന്നതിൽ യൂണിയനുകൾ പ്രതിഷേധം അറിയിച്ചു. സർക്കാർ തുകയിൽ വാങ്ങുന്ന മെഷീന്റെ ചുമതല കരാറെടുക്കുന്ന കമ്പനിക്കായിരിക്കും.
