ദില്ലി : രാജ്യത്ത് പെട്രോളിനും ഡീസലിനും ഉപഭോഗം കുതിച്ചുയര്‍ന്നതായി റിപ്പോര്‍ട്ട്. മെയ് മാസത്തില്‍ മുന്‍വര്‍ഷത്തെ അപേക്ഷിച്ച്‌ 23.8 ശതമാനമാണ് വര്‍ദ്ധനവ് രേഖപ്പെടുത്തിയിരിക്കുന്നത്. കേന്ദ്രസര്‍ക്കാറിന് കീഴിലെ പെട്രോളിയം പ്ലാനിംഗ് ആന്‍ഡ് അനാലിസിസ് സെല്‍ പുറത്തുവിട്ട കണക്കുകളാണിത്.കഴിഞ്ഞ മാസം 18.27 ദശലക്ഷം ടണ്ണായിരുന്നു ഇന്ത്യയിലെ ഇന്ധന ഉപഭോഗം. 2021 ഏപ്രിലിന് ശേഷമുള്ള ഏറ്റവും ഉയര്‍ന്ന പ്രതിമാസ ഉപഭോഗ വര്‍ധനവാണ് 2022 മെയ് മാസത്തില്‍ രേഖപ്പെടുത്തിയിരിക്കുന്നത്.
അതേ സമയം ഇത്രയും ഉയര്‍ന്ന തോതില്‍ ഉപഭോഗം വര്‍ധിക്കാന്‍ ഉണ്ടായ കാരണം, 2021 മെയ് മാസത്തിലെ ഉയര്‍ന്ന വ്യാപനമാണെന്ന വിലയിരുത്തലുകളും ഉണ്ട്. എങ്കിലും ഇന്ധനവിലയില്‍ ഇപ്പോള്‍ ഉണ്ടായിക്കൊണ്ടിരിക്കുന്ന വര്‍ദ്ധനവ് വരുംനാളുകളില്‍ ഉപഭോഗം കുറച്ചേക്കാം എന്നും കരുതപ്പെടുന്നു.
മെയ് മാസത്തില്‍ മുന്‍വര്‍ഷത്തെ അപേക്ഷിച്ച്‌ ഡീസലിന്റെ ഉപഭോഗം 31.7 ശതമാനം ഉയര്‍ന്നു. 7.29 ദശലക്ഷം ടണ്ണാണ് ഡീസല്‍ ഉപഭോഗം. 2020 മെയ് മാസത്തെ അപേക്ഷിച്ച്‌ 32.6 ശതമാനം വര്‍ദ്ധനവും ഡീസല്‍ ഉപയോഗത്തില്‍ ഉണ്ടായി. മെയ് മാസത്തിലെ പെട്രോള്‍ ഉപഭോഗം 51.5% ഉയര്‍ന്നു. 3.02 ദശലക്ഷം ടണ്ണായിരുന്നു മെയ് മാസത്തിലെ ആകെ പെട്രോള്‍ഉപഭോഗം.
About The Author
