തുർക്കി പ്രസിഡന്റ് തയ്യിപ് എർദോഗന് പോസ്റ്ററിൽ മീശ വരച്ചതിന്റെ പേരിൽ പതിനാറുകാരൻ ജയിലിലായി. എർദോഗന്റെ തിരഞ്ഞെടുപ്പ് പോസ്റ്ററിൽ മീശ വരച്ചതിന്റെ പേരിലാണ് കൗമാരക്കാരനെ അധികൃതർ ജയിലിലടച്ചത്.
തെക്കുകിഴക്കൻ പട്ടണമായ മെർസിനിൽ നിന്നുള്ള പതിനാറുകാരനാണ് തന്റെ വീടിനടുത്തുള്ള പോസ്റ്ററിൽ പേന ഉപയോഗിച്ച് ഹിറ്റ്ലർ മീശ വരച്ചതെന്ന് തുർക്കി മാധ്യമങ്ങൾ റിപ്പോർട്ട് ചെയ്യുന്നു. സിസിടിവി ക്യാമറകൾ പരിശോധിച്ചാണ് അറസ്റ്റ് ചെയ്തത്. പതിനാറുകാരന്റെ വീട്ടിലെത്തിയാണ് പൊലീസ് സംഘം അറസ്റ്റ് ചെയ്തത്. പ്രസിഡന്റിനെ അപമാനിച്ചുവെന്നാണ് കുറ്റം ചുമത്തിയിരിക്കുന്നത്.
Credits: malayalam.news18.com, www.nbcnews.com
