Vladimir Putin meet Raisat Akipova: റഷ്യൻ പ്രസിഡന്റ് വ്ളാഡിമിർ പുടിനെ പലപ്പോഴും കണ്ടിട്ടുള്ളത് ഗൗരവമേറിയ മുഖവുമായാണ്. എന്നാൽ കർക്കശക്കാരനായ പുടിനെ പോലും ചിരിപ്പിച്ചിരിക്കുകയാണ് ഈ 8 വയസുകാരി. അകിപോവ എന്ന പെൺകുട്ടിയാണ് പുടിനെ ചിരിപ്പിച്ച ആ കൊച്ചുമിടുക്കി. ചൊവ്വാഴ്ച ഡെർബെന്റിൽ നിന്നുള്ള റൈസത്ത് അകിപോവ പുടിന്റെ ക്ഷണപ്രകാരം മോസ്കോയിൽ എത്തിയിരുന്നു.
അകിപോവ തന്റെ സ്വന്തം പ്രദേശത്തിന് ബജറ്റ് ഗ്രാന്റ് അനുവദിക്കണമെന്നും അതിനുവേണ്ടി പുടിൻ കൂടെ നീക്കണമെന്നും ധനമന്ത്രിയെ ഫോണിൽ വിളിച്ച് ആവശ്യപ്പെട്ടു. ധനമന്ത്രി ആന്റൺ സിലുവാനോവ് ഫോൺ എടുത്ത് ആദ്യമൊന്ന് അമ്പരന്നുവെങ്കിലും പിന്നീട് തെക്കൻ റഷ്യയിലെ അവളുടെ സ്വന്തം പ്രദേശത്തിന് അധിക ധനസഹായം നൽകാൻ പെട്ടെന്ന് സമ്മതിച്ചതായി റോയിട്ടേഴ്സ് റിപ്പോർട്ട് ചെയ്തു.
“മികച്ചത്!” പെൺകുട്ടിയോട് പറയുന്നതിന് മുമ്പ് പുടിൻ പ്രതികരിച്ചു: ഡാഗെസ്താനിനായി ഞങ്ങൾക്ക് 5 ബില്യൺ റുബിളുകൾ ലഭിച്ചു.
റിപ്പബ്ലിക് ഓഫ് ഡാഗെസ്താൻ സന്ദർശനത്തിനിടെ റഷ്യൻ പ്രസിഡന്റിനെ കാണാൻ അകിപോവയ്ക്ക് കഴിഞ്ഞിരുന്നില്ല. പിന്നീട് അകിപോവ നിരാശയിൽ കരയുന്ന ഒരു വീഡിയോ പങ്കുവെച്ചിരുന്നു. ഇത് സോഷ്യൽ മീഡിയയിൽ വൈറൽ ആയിരുന്നു. ചൊവ്വാഴ്ച വ്ളാഡിമിർ പുടിൻ അക്കിപോവയെ മോസ്കോയിലേക്ക് ക്ഷണിക്കുകയും പൂക്കൾ നൽകി സ്വീകരിക്കുകയും ചെയ്തു.
തന്റെ ഡാഗെസ്താൻ യാത്രയ്ക്കിടെ തന്നെ കാണാൻ കഴിയാതെ കരയുന്ന കുട്ടിയെ കണ്ട് അസ്വസ്ഥനായതിനാലാണ് കുട്ടിയേയും അവളുടെ മാതാപിതാക്കളെയും മോസ്കോയിലേക്ക് ക്ഷണിച്ചതെന്ന് വ്ളാഡിമിർ പുടിൻ പറഞ്ഞു. കഴിഞ്ഞയാഴ്ച പുടിൻ ഡാഗെസ്താനിൽ നടത്തിയ സന്ദർശനം നടത്തിയിരുന്നു.
