Kerala new train: സംസ്ഥാനത്തിന് രണ്ട് പുതിയ ട്രെയിനുകള് കൂടി അനുവദിക്കാന് കേന്ദ്ര റെയില്വേ ബോര്ഡ് തീരുമാനം. എറണാകുളം- വേളാങ്കണ്ണി, കൊല്ലം- തിരുപ്പതി ദ്വൈവാര ട്രെയിനുകള്ക്ക് റെയില്വേ ബോര്ഡ് അംഗീകാരം നല്കി. പാലക്കാട് – തിരുനെല്വേലി പാലരുവി എക്സ്പ്രസ് തുത്തൂക്കുടിയിലേക്കു നീട്ടാനും ഉത്തരവായി. ഇതുകൂടാതെ ഗരീബ് രഥിനും ഹസ്രത്ത് നിസാമുദ്ദീനും ചങ്ങനാശേരിയില് സ്റ്റോപ് അനുവദിച്ചു.
എറണാകുളത്തു നിന്നു തിങ്കള്, ശനി ദിവസങ്ങളിലാണു വേളാങ്കണ്ണിയിലേക്ക് സര്വീസ്. ഏതാനും വര്ഷങ്ങളായി പ്രത്യേക ട്രെയിനായാണ് ഇത് ഓടിക്കുന്നുണ്ട്. എറണാകുളത്ത് നിന്ന് ഉച്ചയ്ക്കു 12.35 ന് പുറപ്പെടുന്ന ട്രെയിന് പിറ്റേ ദിവസം രാവിലെ 5.50 ന് വേളാങ്കണ്ണിയില് എത്തും. മടക്ക ട്രെയിന് ചൊവ്വ, ഞായര് ദിവസങ്ങളില് വൈകിട്ട് 6. 30ന് വേളാങ്കണ്ണിയില്നിന്നു പുറപ്പെട്ടു പിറ്റേദിവസം ഉച്ചയ്ക്കു 12ന് എറണാകുളത്ത് എത്തും. കോട്ടയം, കൊല്ലം, പുനലൂര്, ചെങ്കോട്ട വഴിയാണു ട്രെയിന് സര്വീസ്.
തിരുപ്പതി-കൊല്ലം ട്രെയിന് ചൊവ്വ, വെള്ളി ദിവസങ്ങളിലും മടക്ക ട്രെയിന് ബുധന്, ശനി ദിവസങ്ങളിലും സര്വീസ് നടത്തും. തിരുപ്പതിയില് നിന്നു ഉച്ചയ്ക്കു 2.40ന് പുറപ്പെട്ട് പിറ്റേ ദിവസം രാവിലെ 6.20ന് കൊല്ലത്ത് എത്തും. കോട്ടയം, തൃശൂര്, പാലക്കാട്, സേലം വഴിയാണു സര്വീസ്. മടക്കട്രെയിന് കൊല്ലത്ത് നിന്നു രാവിലെ 10 ന് പുറപ്പെട്ട് പിറ്റേന്ന് പുലര്ച്ചെ 3.20ന് തിരുപ്പതിയിലെത്തും. രണ്ട് ട്രെയിനുകളും സര്വീസ് ആരംഭിക്കുന്ന തീയതി റെയില്വേ വൈകാതെ പ്രഖ്യാപിക്കും.
Credits: https://malayalam.indiatoday.in/
