Kerala Police removed fake loan apps: സംസ്ഥാനത്ത് വ്യാജ ലോണ് ആപ്പുകളിലൂടെയുള്ള കുറ്റകൃത്യങ്ങൾ വർധിച്ചുവരുന്ന സാഹചര്യത്തിൽ നിയന്ത്രണങ്ങൾ കടുപ്പിച്ച് കേരളാ പോലീസ്. എഴുപതില് പരം വ്യാജ ലോണ് ആപ്പുകള് പ്ലേ സ്റ്റോറില് നിന്ന് നീക്കം ചെയ്തതായി പോലീസ് അറിയിച്ചു. അംഗീകൃതമല്ലാത്ത ലോണ് ആപ്പുകള് ഉപയോഗിച്ച് വായ്പ എടുത്തതിലൂടെ തട്ടിപ്പിന് ഇരയായാല് 94 97 98 09 00 എന്ന നമ്പറില് വാട്സാപ്പിൽ ബന്ധപ്പെട്ട് പരാതികൾ രജിസ്റ്റർ ചെയ്യാവുന്നതാണ്. 24 മണിക്കൂറും സേവനം ലഭ്യമാണ്. ടെക്സ്റ്റ്, ഫോട്ടോ, വീഡിയോ, വോയിസ് എന്നിവയായി മാത്രമാണ് പരാതി നല്കാന് കഴിയുക. നേരിട്ടുവിളിച്ച് സംസാരിക്കാനാവില്ല. തിരുവനന്തപുരത്ത് പോലീസ് ആസ്ഥാനത്താണ് ഈ സംവിധാനം പ്രവര്ത്തിക്കുന്നതെന്ന് കേരള പോലീസ് ഫെയ്സ്ബുക്കില് കുറിച്ചു.
ഫേസ്ബുക് കുറിപ്പിന്റെ പൂർണരൂപം
“എഴുപതില് പരം വ്യാജ ലോണ് ആപ്പുകള് പ്ലേയ് സ്റ്റോറില് നിന്നും നീക്കം ചെയ്ത് കേരളാ പോലീസ് സൈബര് ഓപ്പറേഷന് ടീം…
അംഗീകൃതമല്ലാത്ത ലോണ് ആപ്പുകള് ഉപയോഗിച്ച് വായ്പ എടുത്തതിലൂടെ തട്ടിപ്പിന് ഇരയായാല് 94 97 98 09 00 എന്ന നമ്പറില് 24 മണിക്കൂറും പോലീസിനെ വാട്സാപ്പില് ബന്ധപ്പെട്ട് വിവരങ്ങള് കൈമാറാം. ടെക്സ്റ്റ്, ഫോട്ടോ, വീഡിയോ, വോയിസ് എന്നിവയായി മാത്രമാണ് പരാതി നല്കാന് കഴിയുക. നേരിട്ടുവിളിച്ച് സംസാരിക്കാനാവില്ല. തിരുവനന്തപുരത്ത് പോലീസ് ആസ്ഥാനത്താണ് ഈ സംവിധാനം പ്രവര്ത്തിക്കുന്നത്.
സാമ്പത്തികകുറ്റകൃത്യങ്ങള് റിപ്പോര്ട്ട് ചെയ്യുന്നതിനുള്ള സൈബര് പോലീസിന്റെ ഹെല്പ് ലൈന് ആയ 1930 ലും ഏതു സമയത്തും വിളിച്ച് പരാതി നല്കാവുന്നതാണ്”
ലോണ് ആപ്പുകള് നീക്കണം, ഗൂഗിളിനും ഡൊമൈന് രജിസ്ട്രാര്ക്കും നോട്ടീസ് നല്കി കേരള പോലീസ്
സംസ്ഥാനത്ത് വര്ധിച്ചുവരുന്ന ഓണ്ലൈന് വായ്പാ തട്ടിപ്പ് കേസുകള്ക്കെതിരെ കര്ശന നടപടിയുമായി കേരള പോലീസ്. 72 വെബ്സൈറ്റുകളും ലോണ് ആപ്പുകളും നീക്കം ചെയ്യണമെന്ന് ആവശ്യപ്പെട്ട് ഗൂഗിളിനും ഡൊമൈന് രജിസ്ട്രാര്ക്കും പോലീസ് നോട്ടീസ് നല്കി. കേരളാ പൊലീസ് സൈബര് ഓപ്പറേഷന് എസ് പിയാണ് നോട്ടീസ് നല്കിയത്. തട്ടിപ്പ് നടത്തുന്ന ലോണ് ആപ്പുകളും ട്രേഡിങ് ആപ്പുകളും നീക്കം ചെയ്യാനാണ് നോട്ടീസ് നല്കിയിരിക്കുന്നത്.
ഇതുകൂടാതെ ലോണ് ആപ്പ് തട്ടിപ്പിനെക്കുറിച്ചുളള പരാതികള് അറിയിക്കാന് വാട്ട്സ്ആപ്പ് നമ്പര് സംവിധാനവും കേരള പോലീസ് ഒരുക്കിയിട്ടുണ്ട്. അംഗീകൃതമല്ലാത്ത ലോണ് ആപ്പുകള് ഉപയോഗിച്ച് വായ്പ എടുത്തതിലൂടെ തട്ടിപ്പിന് ഇരയായവര്ക്ക് 9497980900 എന്ന നമ്പറില് പോലീസുമായിവാട്ട്സ്ആപ്പില് ബന്ധപ്പെട്ട് വിവരങ്ങള് കൈമാറാം. തിരുവനന്തപുരത്ത് പോലീസ് ആസ്ഥാനത്താണ് ഈ സംവിധാനം പ്രവര്ത്തിക്കുന്നത്.
24 മണിക്കൂറും പ്രവര്ത്തിക്കുന്ന സംവിധാനത്തില് ടെക്സ്റ്റ്, ഫോട്ടോ, വീഡിയോ, വോയിസ് എന്നിവയായി മാത്രമാണ് പരാതി നല്കാന് കഴിയുക. നേരിട്ടുവിളിച്ച് സംസാരിക്കാനാവില്ല. ആവശ്യമുള്ളപക്ഷം പരാതിക്കാരെ പോലീസ് തിരിച്ചുവിളിച്ച് വിവരങ്ങള് ശേഖരിക്കും. ഇതോടൊപ്പം തന്നെ 1930 എന്ന സൈബര് ഹെല്പ് ലൈന് നമ്പറിലും നേരിട്ട് വിളിച്ച് പരാതികള് അറിയിക്കാവുന്നതാണ്.
Credits: https://malayalam.indiatoday.in/
