Bone Cancer: എല്ലുകളെ ബാധിക്കുന്ന അപൂർവമായ അർബുദമാണ് ബോൺ ക്യാൻസർ. ഇത് വളരെ അപൂർവമായി മാത്രമേ കാണപ്പെടുന്നുള്ളുവെങ്കിലും മറ്റ് എല്ലാ അർബുദങ്ങളെയും പോലെ, ഇതും നേരത്തെ കണ്ടുപിടിക്കേണ്ടത് പ്രധാനമാണ്. എല്ലുകളിലെ സ്ഥിരമായ വേദന, നീർവീക്കം, ചെറിയ പരിക്കുകൾ മൂലമുള്ള ഒടിവുകൾ, സന്ധി വേദന എന്നിവയാണ് അസ്ഥി കാൻസറിന്റെ ഏറ്റവും സാധാരണമായ ലക്ഷണങ്ങൾ.
പാൾ മാൾ മെഡിക്കൽ മെഡിക്കൽ ഡയറക്ടറും ജനറൽ ഫിസിഷ്യനുമായ ഡോ. ചുൻ ടാങ് പറയുന്നതനുസരിച്ച്, പുറം വേദനയും പ്രത്യേകിച്ച് നടുവേദനയും അസ്ഥി കാൻസറിന്റെ വളരെ സാധാരണമായ ലക്ഷണമാണ്. വേദനയ്ക്ക് മാറ്റമില്ലാതെ തുടരുകയാണെങ്കിൽ ഡോക്ടറെ സമീപിക്കേണ്ടത് അത്യാവശ്യമാണ്.
അസ്ഥി ക്യാൻസർ ഉള്ളവരിൽ പ്രധാനമായും നട്ടെല്ലിനോ അതിനു അടുത്ത ഭാഗങ്ങളിലോ ആകും വേദന ഉണ്ടാകുക. ഈ വേദന വളരെ കഠിനമായിരിക്കും, ഇത് തുടരുകയാണെങ്കിൽ രോഗിയുടെ ദൈനംദിന പ്രവർത്തനങ്ങളെപ്പോലും അത് തടസപ്പെടുത്താം. രാത്രിയിൽ ഇത്തരത്തിൽ വേദന ഉണ്ടാകുകയാണെങ്കിൽ പ്രത്യേകം ശ്രദ്ധിക്കേണ്ടതാണ്. വേദനയ്ക്ക് പുറമേ, നീരോ മുഴയോ കാണുകയാണെങ്കിൽ, അത് എല്ലിലെ ട്യൂമറിന്റെ ലക്ഷണമാകാം എന്ന് ഡോ. ടാങ് പറയുന്നു. കുടുംബത്തിൽ ക്യാൻസർ പാരമ്പര്യം ഉള്ളവരാണെങ്കിൽ കൂടുതൽ ശ്രദ്ധ കൊടുക്കേണ്ടത് അത്യാവശ്യമാണ്. അസ്ഥി കാൻസർ ഏത് പ്രായത്തിലും ഉണ്ടാകാം. അതുകൊണ്ടുതന്നെ നിങ്ങൾക്കോ നിങ്ങളുടെ കുട്ടിക്കോ തുടർച്ചയായ നടുവേദനയുണ്ടെങ്കിൽ ഡോക്ടറെ സമീപിക്കുക.
Ovarian Cancer: ക്യാൻസർ സാധ്യത കൂടുതലും സ്ത്രീകളിൽ; പുതിയ പഠനം പ്രസിദ്ധീകരിച്ച് ജേണൽ ഓഫ് ഒക്യുപേഷണൽ ആൻഡ് എൻവയോൺമെന്റൽ മെഡിസിൻ
Ovarian Cancer: ക്യാൻസർ വരാനുള്ള കൂടുതൽ സാധ്യത സ്ത്രീകളിൽ. ജോലി ചെയ്യുന്ന സ്ത്രീകൾക്കാണ് അണ്ഡാശയ ക്യാൻസർ വരാനുള്ള കൂടുതൽ സാധ്യതയെന്ന പഠനമാണ് ഇപ്പോൾ ചർച്ചയാകുന്നത്. ഈ പഠനമനുസരിച്ച് ഹെയർ ഡ്രെസ്സർമാർ, ബ്യൂട്ടീഷ്യൻമാർ, അക്കൗണ്ടന്റുമാർ എന്നിവർക്കാണ് അണ്ഡാശയ ക്യാൻസർ വരാൻ കൂടുതൽ സാധ്യത.
491 സ്ത്രീകളിൽ പരിശോധന നടത്തി
ജേണൽ ഓഫ് ഒക്യുപേഷണൽ ആൻഡ് എൻവയോൺമെന്റൽ മെഡിസിനിൽ പ്രസിദ്ധീകരിച്ച പുതിയ പഠനമനുസരിച്ച്, സെയിൽസ്, റീട്ടെയിൽ, വസ്ത്രം, നിർമ്മാണ വ്യവസായം എന്നിവയിൽ പ്രവർത്തിക്കുന്നവർക്കും രോഗ സാധ്യത കൂടുതലാണ്. കാനഡയിലെ മോൺട്രിയൽ സർവകലാശാലയിലെ സംഘം അണ്ഡാശയ അർബുദമുള്ള 491 കനേഡിയൻ സ്ത്രീകളിൽ പഠനം നടത്തി. പഠനത്തെ തുടർന്നുള്ള വിവരങ്ങൾ പരിശോധിക്കുകയും രോഗമില്ലാത്ത 897 സ്ത്രീകളുമായി താരതമ്യം ചെയ്യുകയും ചെയ്തു.
ഒവേറിയൻ ക്യാൻസറിന്റെ പ്രാരംഭ ലക്ഷണങ്ങൾ എന്തൊക്കെയാണ്?
ആരും അധികം ശ്രദ്ധിക്കപ്പെടാതെ പോകുന്ന നിശബ്ദ കൊലയാളിയാണ് ഒവേറിയൻ ക്യാൻസർ. പ്രാരംഭഘട്ടത്തിൽ ലക്ഷണങ്ങളൊന്നും കാണിക്കാത്തതാണ് ഇതിന് കാരണം. രോഗം പുരോഗമിക്കുമ്പോൾ മാത്രമാണ് ലക്ഷണങ്ങൾ പ്രകടമാകുന്നത്. അതുകൊണ്ട് തന്നെ ഇതിന്റെ ചികിത്സ പിന്നീട് ബുദ്ധിമുട്ടാണ്. ഒവേറിയൻ ക്യാൻസർ അണ്ഡാശയത്തിലോ ഫാലോപ്യൻ ട്യൂബുകളിലോ പെരിറ്റോണിയത്തിലോയാണ് ആരംഭിക്കുന്നത്.
സ്ത്രീകൾക്ക് ഗർഭാശയത്തിൻറെ ഇരുവശത്തുമായി രണ്ട് അണ്ഡാശയങ്ങളുണ്ട്. അവ പെൽവിസിലാണ് സ്ഥിചെയ്യുന്നത്. സ്ത്രീകളിൽ പ്രത്യുൽപ്പാദനത്തിനാവശ്യമായ ഹോർമോണുകളും അണ്ഡങ്ങളും ഉൽപ്പാദിപ്പിക്കുന്നതിൽ അണ്ഡാശയങ്ങൾ സുപ്രധാന പങ്കുവഹിക്കുന്നു. നമ്മുടെ ശരീരത്തെ സൂക്ഷ്മമായി നിരീക്ഷിക്കുന്നതിലൂടെ മാത്രമേ രോഗത്തിന്റെ ആദ്യഘട്ടം മനസിലാക്കാൻ സാധിക്കുകയുള്ളു. ദീർഘ നാളുകളായി ശരീരത്തിനുണ്ടാകുന്ന മാറ്റം ശ്രദ്ധിക്കുക. ഈ മാറ്റങ്ങളെ നിസാരമായി കാണരുത്.
ഒവേറിയൻ ക്യാൻസറിന്റെ ലക്ഷണങ്ങൾ
1. വായുവിൻറെ/ വയറുവീക്കം
രോഗിക്ക് വയറ്റിൽ വായുവിന്റെ പ്രയാസം അനുഭവപ്പെടാം ഇത് പലപ്പോഴും വയറു വീക്കത്തിന് കാരണമാകാറുണ്ട്. അമിതവണ്ണം, ഗ്യാസ്, മലബന്ധം, ഇറിറ്റബിൾ ബവൽ സിൻഡ്രോം (ഐബിഎസ്) അല്ലെങ്കിൽ അണ്ഡാശയ അർബുദം പോലുള്ള ചില രോഗാവസ്ഥകൾ തുടങ്ങി വിവിധ കാരണങ്ങൾ കൊണ്ട് വയർ വീക്കമുണ്ടാകാം.
2. പെൽവിക് വേദന
അടിവയറ്റിൽ പെൽവിക് വേദന ഉണ്ടാകാം.ആർത്തവ മലബന്ധം, പെൽവിക് ഇൻഫ്ലമേറ്ററി ഡിസീസ് (പിഐഡി), എൻഡോമെട്രിയോസിസ്, അണ്ഡാശയ സിസ്റ്റുകൾ തുടങ്ങിയ ഒവേറിയൻ ക്യാൻസറിന്റെ ലക്ഷണങ്ങളാണ്.
3. നിരന്തരമായ മൂത്രമൊഴിക്കൽ
മൂത്രാശയ ഭിത്തിക്ക് പുറത്ത് അണ്ഡാശയ ക്യാൻസർ കോശങ്ങൾ വളരുമ്പോഴാണ് സ്ത്രീകൾ കൂടുതൽ തവണ മൂത്രമൊഴിക്കുന്നത്.
4. വിശപ്പില്ലായ്മ
വിശപ്പില്ലായ്മയാണ് അണ്ഡാശയ ക്യാൻസറിന്റെ ഏറ്റവും വലിയ ലക്ഷണം. വിശപ്പില്ലായ്മ കൂടാതെ, വയറ് നിറഞ്ഞിരിക്കുന്നതായി അനുഭപ്പെടുന്നു എന്നതാണ് അടുത്ത ലക്ഷണം.
5. ക്ഷീണം
നിരന്തരമായുള്ള ക്ഷീണം ഇതിന്റെ ലക്ഷണങ്ങളിലൊന്നാണ്. ക്യാൻസർ പല കാരണങ്ങൾ കൊണ്ട് ക്ഷീണം ഉണ്ടാക്കാറുണ്ട്. ശരീരത്തിലെ കോശജ്വലന പ്രക്രിയകളുമായി ബന്ധപ്പെട്ടിരിക്കുന്ന സാധാരണ പ്രോട്ടീനുകളുടെയും ഹോർമോണുകളുടെയും അളവ് ക്യാൻസറിന് മാറ്റാൻ കഴിയും.
6. നടുവേദന
ഒവേറിയൻ ക്യാൻസറിന്റെ അടുത്ത ലക്ഷണമാണ് നടുവേദന. ഉറക്കം തടസമുണ്ടാക്കുന്ന രീതിയിൽ നടുവിന് താഴ്വശമുള്ള വേദന ഒവേറിയൻ ക്യാൻസറിന്റെ പ്രധാന ലക്ഷണങ്ങളിലൊന്നാണ്.
7. ക്രമരഹിതമായ ആർത്തവങ്ങൾ
നേരത്തെയോ വൈകിയോ ഉള്ള ആർത്തവം, ക്രമരഹിതമായ ആർത്തവം, ഓവർ ഫ്ലോ തുടങ്ങിയവ ഒവേറിയൻ ക്യാൻസറിന്റെ ലക്ഷണങ്ങളാണ്.
Credits: https://malayalam.indiatoday.in/
