കേരളത്തിൻ്റെ അഭിമാന പദ്ധതിയായ വിഴിഞ്ഞം തുറമുഖത്ത് ആദ്യ കപ്പലിന് രാജകീയ വരവേൽപ്പ്. കേരളത്തിൻ്റെ വികസനസ്വപ്നങ്ങള്ക്ക് ചിറകേകുന്ന അഭിമാന പദ്ധതി അങ്ങനെ നീണ്ട കാത്തിരിപ്പിനൊടുവില് യാഥാര്ഥ്യമകുകയായിരുന്നു. വിഴിഞ്ഞം തുറമുഖത്തെത്തിയ ആദ്യ കപ്പല് ഷെന്ഹുവായ് 15 നെ മുഖ്യമന്ത്രി പിണറായി വിജയന് ഫ്ളാഗ് ഇന് ചെയ്ത് വരവേറ്റു. തുടര്ന്ന് ഓദ്യോഗികമായി ബെര്ത്തിലെത്തിക്കുന്ന മൂറിങ് ചടങ്ങുകള് നടന്നു. വാട്ടര് സല്യൂട്ടോടെയാണ് കപ്പലിനെ ബെര്ത്തിലേക്ക് അടുപ്പിച്ചത്.
കേന്ദ്രമന്ത്രി വി. മുരളീധരന്, മന്ത്രിമാരായ വി.ശിവന്കുട്ടി, കെ.രാജന്, പ്രതിപക്ഷ നേതാവ് വി.ഡി.സതീശന്, ശശി തരൂര് എം.പി. എന്നിവര് ചടങ്ങില് സന്നിഹിതരായിരുന്നുഎം.വിന്സെന്റ് എം.എല്.എ., തിരുവനന്തപുരം മേയര് ആര്യാ രാജേന്ദ്രന്, ചീഫ് സെക്രട്ടറി ഡോ. വി.വേണു, തുറമുഖ വകുപ്പ് പ്രിന്സിപ്പല് സെക്രട്ടറി കെ.എസ്. ശ്രീനിവാസ്, അദാനി വിഴിഞ്ഞം പോര്ട്ട് ലിമിറ്റഡ് ചെയര്മാന് കരണ് അദാനി, അദാനി വിഴിഞ്ഞം തുറമുഖ കമ്പനി സി.ഇ.ഒ. രാജേഷ് ഝാ എന്നിവരും പരിപാടിയില് പങ്കെടുത്തു. കേരളത്തെ സംബന്ധിച്ച് അസാധ്യം എന്നവാക്കില്ലെന്നാണ് ഇതോടുകൂടി തെളിയുന്നതെന്ന് മുഖ്യമന്ത്രി പിണറായി വിജയന് പറഞ്ഞു.
കേരളത്തിൻ്റെ സ്വപ്ന പദ്ധതിയായ വിഴിഞ്ഞം തുറമുഖം യാഥാര്ഥ്യമാകുന്നതിൻ്റെ ഏറ്റവും അടുത്ത നിമിഷത്തിലാണ് നില്ക്കുന്നത്. ഏത് പ്രതിസന്ധിയേയും അത് എത്രവലുതായാലും അതിനെ അതിജീവിക്കുമെന്ന് ഒരുമയിലൂടേയും ഐക്യത്തിലൂടേയും കൂട്ടായ്മയിലൂടെയും തെളിയിച്ചതാണ്. അതാണ് ഇവിടെയും കാണാന് കഴിയുക. ഇതുപോലൊരു തുറമുഖം ലോകത്ത് തന്നെ അപൂര്വ്വമാണെന്നും മുഖ്യമന്ത്രി ചൂണ്ടിക്കാട്ടി. വിഴിഞ്ഞം തുറമുഖത്തിൻ്റെ സാന്നിധ്യത്തിലൂടെ വരാന് പോകുന്ന വികസനം ഭാവനകള്ക്ക് അപ്പുറമായിരിക്കും. വികസനക്കുതിപ്പിന് കരുത്തേകുന്നതായിരിക്കും തുറമുഖം. വികസിത രാഷ്ട്രങ്ങളിലെ മധ്യവരുമാനക്കാരുടെ ജീവിതനിലവാരത്തോതിലേക്ക് കേരളത്തെയും ജനങ്ങളുടെ നിലവാരത്തേയും ഉയര്ത്തുകയെന്നതാണ് ലക്ഷ്യമെന്നും മുഖ്യമന്ത്രി വ്യക്തമാക്കി.
`ഇന്ന് കേരളത്തിന്റേയും വിഴിഞ്ഞത്തിന്റേയും അഭിമാന ദിവസമാണ്. രാജ്യത്തിന്റെയാകെ അഭിമാനകരമായ പദ്ധതിയാണ്´- മുഖ്യമന്ത്രി പറഞ്ഞു. വ്യാഴാഴ്ചയാണ് തുറമുഖത്ത് സ്ഥാപിക്കാനുള്ള മൂന്ന് ക്രെയിനുകളുമായി ചൈനയില്നിന്നുള്ള കപ്പല് തുറമുഖത്തെത്തിയത്. 100 മീറ്റര് ഉയരവും 60 മീറ്ററോളം കടലിലേക്ക് തള്ളി നില്ക്കുന്നതുമായ സൂപ്പര് പോസ്റ്റ് പനാമാക്സ് ക്രെയിനും 30 മീറ്റര് ഉയരമുള്ള രണ്ട് ഷോര് ക്രെയിനുമാണ് കപ്പലില് എത്തിച്ചത്.
