Elon Musk reveals: എക്സ് പ്ലാറ്റ്ഫോമിനെ എല്ലാവിധ സൗകര്യമുള്ള വേദിയാക്കി ഉടൻ മാറ്റുമെന്ന് ടെസ്ല, എക്സ് ഉടമയുമായ എലോൺ മസ്ക്. നിലവിൽ, എക്സിൽ ദൈർഘ്യമേറിയ ട്വീറ്റുകളും വീഡിയോകളും പങ്കിടാനുള്ള ഓപ്ഷനുണ്ട്. എന്നാൽ അതിലുപരി വീഡിയോ കോളിംഗ്, വോയ്സ് കോളിംഗ്, പേയ്മെന്റുകൾ, ജോലി തിരയൽ തുടങ്ങിയ കൂടുതൽ ഫീച്ചറുകൾ എക്സിൽ ഉടൻ വരുമെന്നും എലോൺ മസ്ക് വ്യക്തമാക്കി.
അതേസമയം സോഷ്യൽ മീഡിയ പ്ലാറ്റ്ഫോമായ എക്സിനെ ഡേറ്റിംഗ് ആപ്പായി മാറ്റാനും മസ്ക് പദ്ധതിയിടുന്നതായാണ് റിപ്പോർട്ട്. മസ്കിന്റെ ഈ പ്രഖ്യാപനം ഉപയോക്താക്കളെ ഞെട്ടിച്ചിരിക്കുകയാണ്. സൗഹൃദവും പ്രണയവും താൽപര്യപ്പെടുന്ന ആളുകൾക്ക് പരസ്പരം കണ്ടുമുട്ടുന്നതിനും പരിചയപ്പെടുന്നതിനുമുള്ള സൗകര്യമാവും ഇത്.
എലോൺ മസ്കും ലിൻഡ യാക്കാരിനോയും കഴിഞ്ഞ ആഴ്ച എക്സ് ജീവനക്കാരുമായി നടത്തിയ കൂടിക്കാഴ്ചയിലാണ് ഇതുമായി ബന്ധപ്പെട്ട ചർച്ചകൾ നടന്നതെന്ന് ദി വെർജ് റിപ്പോർട്ട് ചെയ്യുന്നു. ലിങ്ക്ഡ്ഇൻ, യൂട്യൂബ്, ഫേസ്ടൈം, ഡേറ്റിംഗ് ആപ്പുകൾ എന്നിവയുമായി എക്സ് മത്സരിക്കണമെന്ന് താൻ ആഗ്രഹിക്കുന്നതായി കൂടിക്കാഴിചയിൽ മസ്ക് പറഞ്ഞു.
എക്സിൽ നിയമനം നടക്കുന്നതെങ്ങനെയെന്നും പ്ലാറ്റ്ഫോമിൽ ആളുകൾ എന്ത് പോസ്റ്റുചെയ്യുന്നു എന്നതിനെക്കുറിച്ചും മസ്ക് പറഞ്ഞു. “എക്സ് പ്ലാറ്റ്ഫോമിൽ മുമ്പ് ആരെങ്കിലും പോസ്റ്റ് ചെയ്ത കാര്യങ്ങൾക്ക് മറ്റെന്തിനേക്കാളും ഞാൻ ഊന്നൽ നൽകും” മസ്ക് വ്യക്തമാക്കി. അവർ രസകരമായ കാര്യങ്ങൾ പോസ്റ്റ് ചെയ്തിട്ടുണ്ടോ? എങ്കിൽ അവരെ എക്സിൽ നിയമിക്കാം എന്നതിന്റെ ഏറ്റവും വലിയ സൂചകമാണിത്.
“ഡേറ്റിംഗ് ഫീച്ചർ മെച്ചപ്പെടുത്താൻ ഞങ്ങൾക്ക് കഴിഞ്ഞേക്കുമെന്ന് ഞാൻ കരുതുന്നു. രസകരമായ ആളുകളെ കണ്ടെത്തുന്നത് കഠിനമാണ്,” മസ്ക് പറഞ്ഞു. കഴിഞ്ഞ വർഷം എല്ലാ പ്ലാറ്റ്ഫോമും നേടിയ നേട്ടങ്ങളെക്കുറിച്ച് യാക്കാരിനോ സംസാരിച്ചപ്പോൾ മറ്റ് പ്ലാറ്റ്ഫോമുകൾ എക്സിനെ പകർത്തിയതായും മസ്ക് പറഞ്ഞു.
കഴിഞ്ഞ വർഷം ഒക്ടോബലാണ് മസ്ക് എക്സ് (അന്ന് ട്വിറ്റർ എന്ന് വിളിക്കപ്പെട്ടു) വാങ്ങിയത്. ജോയിൻ ചെയ്ത ഉടൻ തന്നെ വലിയ മാറ്റങ്ങളും കൊണ്ടുവന്നു. ഈ വർഷം മെയ് മാസത്തിൽ ലിൻഡ യാക്കറിനോയെ പ്ലാറ്റ്ഫോമിന്റെ സിഇഒ ആയി നിയമിച്ചു.
Credits: https://malayalam.indiatoday.in/
