പ്രസിഡൻ്റ് പ്രസിഡൻ്റിനോട് മാപ്പ് പറഞ്ഞു, കാരണം `പ്രഥമ നായ´

രണ്ടു രാജ്യങ്ങളിലെ ഭരണകർത്താക്കൾ (Rulers of two countries) പരസ്പരം കണ്ടുമുട്ടുന്ന സംഭവങ്ങൾ അത് രാജ്യത്തെ മാധ്യമങ്ങളിൽ വലിയ വാർത്തകളാകാറുണ്ട്. പല കാരണങ്ങൾ കൊണ്ടാകും ഇത്തരം കണ്ടുമുട്ടലുകൾ സംഭവിക്കുന്നത്. ഇരു രാജ്യങ്ങൾ തമ്മിലുള്ള ഏറ്റവും ചെറിയ പങ്കാളിത്തം മുതൽ വലിയ ഇടപാടുകൾ വരെ ചർച്ചയിൽ എത്തുന്നവയായിരിക്കും ഈ കൂടിക്കാഴ്ചകളിൽ അധികവും. രാജ്യങ്ങൾ തമ്മിലുള്ള പരസ്പരം ബന്ധം (Interrelationship between countries)  ഊട്ടിയുറപ്പിക്കുവാനും കരാറുകളിൽ ഏർപ്പെടുവാനും കാരണമാകുകയും ചെയ്യും. തകർന്നുപോയ പല കരാറുകളും ഭരണകർത്താക്കളുടെ  ഇത്തരത്തിലുള്ള കൂടിക്കാഴ്ചകളിൽ പുനഃജീവിക്കുന്നതും കാണാം. എന്നാൽ ഇവിടെ പറയാൻ പോകുന്നത് ഒരു നായയുടെ പേരിൽ ഒരു രാജ്യത്തിൻ്റെ പ്രസിഡൻ്റിന് മറ്റൊരു രാജ്യത്തിൻ്റെ പ്രസിഡൻ്റിനോട് മാപ്പ് പറയേണ്ടി വന്ന കഥയാണ്.

വെറും നായയല്ല, `പ്രഥമ നായ´

ഈയടുത്ത സമയത്ത് ഓസ്ട്രിയയ്ക്കും മോൾഡോവയ്ക്കും ഇടയിലാണ് ഇത്തരമൊരു സംഭവമുണ്ടായത്. മോൾഡോവയുടെ പ്രസിഡൻ്റിന് ആസ്ട്രിയയുടെ പ്രസിഡൻ്റിനോട് മാപ്പ് പറയേണ്ടി വന്നു. അതും ഒരു നായ കാരണം. ആ നായ ചില്ലറക്കാരനല്ല. മോൾഡോവയുടെ പ്രഥമ നായയാണ് കക്ഷി. സംഭവം ചുരുക്കി പറഞ്ഞാൽ, ഓസ്ട്രിയൻ പ്രസിഡൻ്റ് അലക്‌സാണ്ടർ വാൻ ഡെർ ബെല്ലനെ മോൾഡോവയുടെ പ്രസിഡൻ്റ് മായാ സന്ദുവിൻ്റെ നായ കടിച്ചു. അതാണ് കാര്യം. മോൾഡോവയിൽ ഔദ്യോഗിക സന്ദർശനത്തിന് എത്തിയതായിരുന്നു വാൻ ഡെർ ബെല്ലൻ. രാഷ്ട്രപതിഭവൻ പരിസരം ചുറ്റി നടക്കുന്നതിനിടെയാണ് ബെല്ലൻ സന്ദുവിൻ്റെ നായയെ കണ്ടത്. നായയെ ഒന്ന് ലാളിച്ചു കളയാമെന്ന് കരുതി ബെല്ലൻ അതിനു മുന്നിൽ ഒന്ന് കുനിഞ്ഞു. ആ കുനിയലിൽ നല്ലൊരു കടിയും വാങ്ങിക്കുകയായിരുന്നു.

നായയെ ഓമനിച്ച് വാങ്ങിയ ജോലി

ഓസ്ട്രിയൻ പ്രസിഡൻ്റിനെ നായ കടിച്ചതുമായി ബന്ധപ്പെട്ട് മോൾഡോവൻ മാധ്യമങ്ങൾ വീഡിയോയും പുറത്തു വിട്ടിരുന്നു. മാൾഡോവയുടെ തലസ്ഥാനമായ ചിസിനാവു സന്ദർശിക്കുന്നതിനിടെ ബെലൻ സന്ദുവിനൊപ്പം നിൽക്കുന്നതും സന്ദുവിൻ്റെ നായ ഒപ്പം നിൽക്കുന്നതും ദൃശ്യങ്ങളിൽ കാണാം. തുടർന്ന് ബലൻ കുനിഞ്ഞ് നായയെ ലാളിച്ചപ്പോഴാണ് കടിയേറ്റതെന്നാണ് വിവരം.

ക്ഷമാപണം നടത്തി മായ സന്ദു 

ഓസ്ട്രിയൻ പ്രസിഡൻ്റ് ബെലനെ തൻ്റെ നായ കടിച്ചതുമായി ബന്ധപ്പെട്ട്  മാൾഡോവയുടെ പ്രസിഡൻ്റ് മായ സന്ദു അദ്ദേഹത്തോട് മാപ്പ് പറഞ്ഞു. ബെലൻ തന്നെയാണ് ഇൻസ്റ്റാഗ്രാമിലൂടെ ഇക്കാര്യം അറിയിച്ചത്.

`ഞാനുമായി ബന്ധപ്പെട്ടവർക്ക് വ്യക്തമായി അറിയാം, എനിക്ക് നായ്ക്കളെ എത്രമാത്രം ഇഷ്ടമാണെന്ന്. കഴിഞ്ഞ ദിവസം നടന്ന സംഭവത്തിൽ നായയുടെ പ്രവർത്തി എനിക്ക് മനസ്സിലാക്കാൻ കഴിയും. ഇതുമായി ബന്ധപ്പെട്ട് മായാ മായ സന്ദു ക്ഷമാപണം നടത്തിക്കഴിഞ്ഞു. കോഡ്രാറ്റ് എന്ന് പേരുവിളിക്കുന്ന ആ നായയ്ക്ക് മറ്റുള്ളവരെ ഭയമാണെന്ന് സന്ദു എന്നോട് പറഞ്ഞു´- ബെലൻ ഇൻസ്റ്റാഗ്രാമിൽ കുറിച്ചു.

രാജ്യത്ത് അധികാരസ്ഥാനത്ത് ഇരിക്കുന്നവരുടെ ഉടമസ്ഥതയിലുള്ള വളർത്തു നായ്ക്കൾ നേരത്തെയും പ്രശ്നങ്ങൾ ഉണ്ടാക്കിയിട്ടുണ്ട്. കഴിഞ്ഞ മാസം യുഎസ് പ്രസിഡൻ്റ് ജോ ബൈഡൻ്റെ ജർമ്മൻ ഷെപ്പേർഡ് നായ കമാൻഡർമാരേയും ഏജൻ്റുമാരെയും ജീവനക്കാരെയും കടിച്ചിരുന്നു. ഇതിനെത്തുടർന്ന് ഈ നായയെ വൈറ്റ് ഹൗസിൽ നിന്ന് നീക്കം ചെയ്യുകയായിരുന്നു. .

Credits: https://malayalam.indiatoday.in/