Immunity Boosting Foods: ശൈത്യകാലമാണ് വരാൻപോകുന്നത്. ഇതോടൊപ്പം പനി, ജലദോഷം തുടങ്ങിയ വൈറൽ അണുബാധകളും വർദ്ധിക്കുന്നു. കാലാവസ്ഥ മാറുന്നതിനനുസരിച്ച് പ്രതിരോധശേഷി കുറയുന്നതാണ് ഇതിന് കാരണമായി വിദഗ്ധർ പറയുന്നത്. വൈറസുകളെ ചെറുക്കാനുള്ള ശരീരത്തിന്റെ കഴിവിനെയാണ് പ്രതിരോധശേഷി എന്ന് പറയുന്നത്. അതിനാൽ, ശൈത്യകാലത്ത് നിങ്ങളുടെ പ്രതിരോധശേഷി വർധിപ്പിക്കേണ്ടതിന്റെ ആവശ്യകതയും ചെറുതല്ല.
നമ്മൾ ദിവസവും കഴിക്കുന്ന ഭക്ഷണത്തിൽ ചില മാറ്റങ്ങൾ വരുത്തിയാൽ പ്രതിരോധശേഷി വർധിപ്പിക്കാൻ കഴിയും. പ്രതിരോധശേഷി ദുർബലമാണെങ്കിൽ താഴെ പറയുന്ന കാര്യങ്ങൾ നിങ്ങളുടെ ഭക്ഷണത്തിൽ ഉൾപ്പെടുത്തുക.
എന്താണ് പ്രതിരോധശേഷി?
നിങ്ങളുടെ ശരീരത്തെ അണുബാധയിൽ നിന്ന് സംരക്ഷിക്കാൻ ഒരുമിച്ച് പ്രവർത്തിക്കുന്ന കോശങ്ങളുടെയും രാസ സംയുക്തങ്ങളുടെയും ഒരു സങ്കീർണ്ണ ശൃംഖലയാണ് പ്രതിരോധശേഷി. ക്ലീവ്ലാൻഡ് ക്ലിനിക്ക് പറയുന്നതനുസരിച്ച്, മനുഷ്യശരീരം ശക്തമായ പ്രതിരോധ സംവിധാനങ്ങളാൽ നിർമ്മിതമാണ്. അത് ശരീരത്തെ വൈറസുകളിൽ നിന്നും ബാക്ടീരിയകളിൽ നിന്നും സംരക്ഷിക്കുക മാത്രമല്ല, പുതിയ വൈറസുകളെ തിരിച്ചറിയുകയും അവയെ ചെറുക്കാൻ ഒരു സംവിധാനം തയ്യാറാക്കുകയും ചെയ്യുന്നു.
ഔഷധസസ്യങ്ങൾ, സുഗന്ധവ്യഞ്ജനങ്ങൾ, പ്രോട്ടീനുകൾ, വിറ്റാമിനുകൾ, ധാതുക്കൾ എന്നിവയുടെ സംയോജനവും ജലാംശവും പ്രതിരോധശേഷി വർദ്ധിപ്പിക്കും. ഭക്ഷണത്തിൽ എപ്പോഴും ഇവ ഉൾപ്പെടുത്തി കഴിക്കുന്നവരാണെങ്കിൽ കാര്യമായ മാറ്റങ്ങൾ വരുത്തേണ്ടതില്ല.
ഇഞ്ചിയും വെളുത്തുള്ളിയും
ഇഞ്ചി, വെളുത്തുള്ളി എന്നിവയുടെ സംയോജനം, ആഹാരത്തിന്റെ രുചി വർദ്ധിപ്പിക്കുക മാത്രമല്ല, സൂപ്പർ ആന്റി-ഇൻഫ്ലമേറ്ററി, ആന്റിഓക്സിഡന്റ് ഗുണങ്ങളാൽ കുടലിന്റെ ആരോഗ്യം വർദ്ധിപ്പിക്കുകയും ചെയ്യുന്നു. ശൈത്യകാലത്ത് നിരവധി നിരവധി രോഗങ്ങൾ നമ്മളിൽ പിടിമുറുക്കുന്നതിനാൽ, ഇഞ്ചി-വെളുത്തുള്ളി ഭക്ഷണത്തിൽ കൂടുതലായി ഉപയോഗിക്കുന്നത് വളരെ ഗുണം ചെയ്യും. ഇതിലെ ആന്റി-ഇൻഫ്ലമേറ്ററി ആന്റിമൈക്രോബയൽ ഗുണങ്ങൾ പ്രതിരോധശേഷി വർദ്ധിപ്പിക്കാൻ സഹായിക്കുന്നു.
കുരുമുളക്
കുരുമുളക് ഏറ്റവും മികച്ച സുഗന്ധവ്യഞ്ജനങ്ങളിൽ ഒന്നാണ്. കറുത്ത സ്വർണ്ണം എന്നറിയപ്പെടുന്ന കുരുമുളക് ഭക്ഷണത്തെ രുചികരമാക്കുക മാത്രമല്ല ശരീരത്തിൽ ചൂട് ഉൽപാദിപ്പിക്കുകയും ചെയ്യുന്നു. കുരുമുളക് ശരീരത്തിലെ വെളുത്ത രക്താണുക്കൾ മെച്ചപ്പെടുത്തി പ്രതിരോധശേഷി വർദ്ധിപ്പിക്കുന്നു. ഇതിൽ പല തരത്തിലുള്ള സംയുക്തങ്ങളും അടങ്ങിയിട്ടുണ്ട്.
ഇഞ്ചിപുല്ല്
വേദനയിൽ നിന്നും മലബന്ധത്തിൽ നിന്നും ആശ്വാസം ലഭിക്കാൻ അരോമാതെറാപ്പിയിൽ സാധാരണയായി ഉപയോഗിക്കുന്ന ഒരു ചെടിയാണ് ഇഞ്ചിപുല്ല്. ഇതിന്റെ ഹെർബൽ ഗുണം ഭക്ഷണത്തിലും ഉപയോഗിക്കാം. ഇത് ഒരു ആന്റിഓക്സിഡന്റായി പ്രവർത്തിക്കുന്നു. ഇഞ്ചിപുല്ല് ബാക്ടീരിയയുടെയും യീസ്റ്റിന്റെയും വളർച്ചയെ തടയുകയും ചുമ, തൊണ്ടവേദന, പനി എന്നിവ കുറയ്ക്കുകയും പ്രതിരോധശേഷി വർദ്ധിപ്പിക്കുകയും ചെയ്യുന്നു.
സിട്രസ് അടങ്ങിയ പഴങ്ങൾ
എല്ലാ പഴങ്ങളും പ്രതിരോധശേഷി വർദ്ധിപ്പിക്കുന്നവയാണ്. കാരണം അവയിൽ വിറ്റാമിൻ സി, ഫൈബർ, ആന്റിഓക്സിഡന്റുകൾ, ധാതുക്കൾ, അണുബാധകൾക്കെതിരെ പോരാടുന്നതിന് ആവശ്യമായ വെളുത്ത രക്താണുക്കൾ ഉത്പാദിപ്പിക്കുന്ന എൻസൈമുകൾ എന്നിവ ധാരാളം അടങ്ങിയിട്ടുണ്ട്. ഇത് കുടലിന്റെ ആരോഗ്യം വർദ്ധിപ്പിക്കുകയും ദഹനം മെച്ചപ്പെടുത്തുകയും ചെയ്യുന്നു. സിട്രസ് പഴങ്ങൾ കഴിക്കുന്നതിലൂടെ പ്രതിരോധശേഷി അതിവേഗം വർദ്ധിക്കുന്നു എന്നതാണ് ഇതിന്റെ പ്രത്യേകത.
മത്സ്യവും നാടൻ കോഴിയും
മത്സ്യത്തിലും നാടൻ കോഴിയിറച്ചിയിലും പ്രോട്ടീൻ, വിറ്റാമിൻ ബി, (ബി 6, ബി 12), സിങ്ക്, ഒമേഗ -3 ഫാറ്റി ആസിഡുകൾ എന്നി അടങ്ങിയിട്ടുണ്ട്. ഇത് ശരീരത്തിന് സംരക്ഷണം നൽകുകയും പ്രതിരോധശേഷി വർദ്ധിപ്പിക്കുകയും ചെയ്യുന്ന ശരീരത്തിൽ ആർബിസി, ഡബ്ല്യുബിസി എന്നിവയുടെ ഉത്പാദനം വർദ്ധിപ്പിക്കുന്നു.
Credits: https://malayalam.indiatoday.in/
