മന:സാക്ഷിയുടെ ഉരകല്ലിൽ വിചാരങ്ങളെ ഉരച്ചു മിനുക്കുമ്പോൾ മനോഭാവത്തിൽ കാതലായ മാറ്റങ്ങളുണ്ടാകും. ലോകത്തിന്റെ വിധിയെഴുത്തിൽ പരാജയമെന്നു കണ്ടിരുന്ന പലരും ജീവിതത്തെ വിജയമാക്കി മാറ്റിയത് നിഷ്കളങ്കമായ മന:സാക്ഷിയുടെ സൂക്ഷിപ്പുകാരായിരുന്നതിനാലാണ്. ഏതു പ്രതിസന്ധികളേയും ധൈര്യത്തോടും വിവേകത്തോടും കൂടെ അഭിമുഖീകരിക്കാൻ മന:സാക്ഷിയുള്ളവർക്ക് സാധിക്കും. കാരണം, വിനയത്താൽ പക്വമായ മാനസിക ഭാവങ്ങൾ ഇവരിലുണ്ടാകും. അത് എന്തിനേയും ഉൾക്കൊള്ളാനും സ്നേഹബുദ്ധ്യാ പ്രതികരിക്കാനുമുള്ള ശേഷിയുണ്ടാക്കും. ഇങ്ങനെയുള്ളവർക്ക് ലോകത്തെ ഒന്നാകെ ആശ്ലേഷിക്കാനാവും. തളർന്ന മനസ്സിന് ആഹ്ളാദത്തിന്റെ മേൽ വസ്ത്രം നല്കുന്ന നല്ല മന:സാക്ഷിയുടെ ഭാവം സ്വന്തമാക്കാൻ നമുക്കും പരിശ്രമിക്കാം.
About The Author
