കാബൂള് വിമാനത്താവളത്തിന് പുറത്ത് ചാവേര് സ്ഫോടനം. 13 മരണം. കൊല്ലപ്പെട്ടവരില് കുട്ടികളും താലിബാന് അംഗങ്ങളും. മൂന്ന് അമേരിക്കന് സൈനികര്ക്ക് ഉള്പെടെ ഒട്ടേറെപ്പേര്ക്ക് പരുക്ക്. സ്ഥലത്ത് വെടിവയ്പുണ്ടായെന്നും റിപ്പോര്ട്ട്. കൂടുതല് വിവരങ്ങള് ശേഖരിക്കുന്നതായി അമേരിക്കന് പ്രതിരോധ വക്താവ് അറിയിച്ചു. കാബൂള് വിമാനത്താവളത്തില് ഐഎസ് ആക്രമണ സാധ്യതയുള്ളതിനാല് ആളുകള് ഒഴിഞ്ഞുപോകണമെന്ന് യു.എസും ബ്രിട്ടനും മുന്നറിയിപ്പുനല്കിയിരുന്നു.
വിമാനത്താവളത്തിലെ മൂന്ന് കവാടങ്ങളിലുള്ളവരോട് ഉടന് തിരിച്ചു പോകാനും അമേരിക്ക നിര്ദേശിച്ചു. സൈനിക പിന്മാറ്റം പൂര്ത്തിയാക്കാന് താലിബാന് അനുവദിച്ച സമയം അവസാനിക്കാന് അഞ്ചുദിവസം മാത്രം ബാക്കി നില്ക്കെ ആയിരത്തി അഞ്ഞൂറോളം അമേരിക്കന് പൗരന്മാര് അഫ്ഗാന്റെ പലഭാഗങ്ങളിലായി കുടുങ്ങിക്കിടക്കുന്നുണ്ടെന്നാണ് റിപ്പോര്ട്ട്.
