ഐ.എസ് ആക്രമണത്തിന് സാധ്യതയെന്ന സുരക്ഷാ മുന്നറിയിപ്പുണ്ടായിട്ടും അവസാന നിമിഷം വരെ കാബൂള് രക്ഷാദൗത്യം തുടരാനുറച്ച് യു.എസ്. ഇന്നലെ അഫ്ഗാന് തലസ്ഥാനമായ കാബൂളിലുണ്ടായ സ്ഫോടനത്തില് മരിച്ചവരുടെ എണ്ണം 170 ആയി. കാബൂള് വിമാനത്താവളത്തില് ഇപ്പോഴും സുരക്ഷാഭീഷണിയുണ്ടെന്നാണ് പെന്റഗണ് വിലയിരുത്തല്. അഫ്ഗാനില് നിന്നുള്ള ഒഴിപ്പിക്കല് നടപടികള് പൂര്ത്തിയാക്കാന് നാല് ദിവസം ശേഷിക്കുന്നുണ്ടെങ്കിലും വിമാനത്താവളത്തിന്റെ ചില ഭാഗങ്ങളുടെ നിയന്ത്രണം താലിബാന് ഏറ്റെടുത്തതായും റിപ്പോര്ട്ടുകളുണ്ട്. എന്നാല് പെന്റഗണ് ഇത് തള്ളി. അയ്യായിരത്തിലധികം പേരാണ് അഫ്ഗാന് വിടാനുറച്ച് കാബൂള് വിമാനത്താവളത്തില് തുടരുന്നത്. രണ്ടാഴ്ച മുന്പ് തുടങ്ങിയ ഒഴിപ്പിക്കലില് ഇതുവരെ ഒരു ലക്ഷത്തി പതിനൊന്നായിരത്തില് കൂടുതല് പേര് അഫ്ഗാനിസ്ഥാന് വിട്ടതായി വൈറ്റ് ഹൗസ് അറിയിച്ചു.
