കുവൈത്ത് സിറ്റി∙ കോവിഡിന്റെ ഒമിക്രോൺ വകഭേദം വ്യാപിക്കുന്ന സാഹചര്യത്തിൽ 26 മുതൽ രാജ്യത്തു പ്രവേശിക്കുന്ന എല്ലാവർക്കും കുവൈത്ത് 3 ദിവസം ക്വാറന്റീൻ നിർബന്ധമാക്കി. 2 ഡോസ് വാക്സീൻ എടുത്ത് 9 മാസം പൂർത്തിയായവർ കുവൈത്തിലെത്തും മുൻപ് ബൂസ്റ്റർ ഡോസ് എടുത്തിരിക്കണമെന്നും ഈ നിബന്ധന ജനുവരി 2നാണു പ്രാബല്യത്തിലാകുകയെന്നും അധികൃതർ അറിയിച്ചു.
യാത്രയ്ക്ക് 48 മണിക്കൂറിനിടെ എടുത്ത ആർടി പിസിആർ കോവിഡ് നെഗറ്റീവ് സർട്ടിഫിക്കറ്റ് ആണ് 26 മുതൽ വേണ്ടത്. നിലവിൽ 72 മണിക്കൂറാണു സമയപരിധി. 3 ദിവസത്തെ ക്വാറന്റീനു ശേഷമുള്ള പിസിആർ പരിശോധനാ ഫലം നെഗറ്റീവ് ആണെങ്കിൽ പുറത്തിറങ്ങാം. ഇല്ലെങ്കിൽ 10 ദിവസം ക്വാറന്റീൻ തുടരണം.
English Summary: Omicron mandatory quarantine in Kuwait
