ഗായകൻ മീറ്റ്‌ലോഫ് അന്തരിച്ചു

ന്യൂയോർക്ക് ∙ യുഎസ് റോക്ക് സംഗീതജ്ഞനും നടനുമായ മീറ്റ് ലോഫ് (74) അന്തരിച്ചു. മൈക്കൽ ലീ അഡേ എന്ന് യഥാർഥ പേരുള്ള മീറ്റ്‌ലോഫിന്റെ ഗാനങ്ങളുടെ 10 കോടിയിലധികം റിക്കോർഡുകൾ ലോകത്ത് വിറ്റഴിച്ചിട്ടുണ്ട്. 1977 ൽ പുറത്തിറങ്ങിയ ബാറ്റ് ഔട്ട് ഓഫ് ഹെൽ ആണ് ഏറ്റവും പ്രശസ്തമായ ആൽബം. ലോകമെമ്പാടും 4.3 കോടി റിക്കോർഡുകൾ ഈ ആൽബത്തിന്റേതായി വിറ്റുപോയിട്ടുണ്ട്. ലോകത്ത് ഏറ്റവും വിറ്റഴിക്കപ്പെട്ട ആൽബങ്ങളിലൊന്നാണ് ഇത്.

ഫൈറ്റ് ക്ലബ്, വെയ്ൻസ് വേൾഡ് ഉൾപ്പെടെ 65 ചിത്രങ്ങളിലും വേഷമിട്ടിട്ടുണ്ട്.

English Summary: ‘Bat Out of Hell’ singer Meat Loaf dies aged 74