എല്ലാ പൂക്കളെയും നശിപ്പിച്ചാലും, കടന്നുവരുന്ന വസന്തത്തെ തടയാനാകുമോ എന്നു ചോദിച്ചത് ചിലിയന് കവി പാബ്ലോ നെരൂദയാണ്. എതിര്പ്പുകളേറെ നേരിട്ട് ഒന്നിച്ച ചിലര് ആ വസന്തം പോലെയാണ്. ജാതി, മത വേലിക്കെട്ടുകള് ഭേദിച്ച് ഒന്നായി, ആലുവയിലെ ഒരു വൃദ്ധസദനത്തില് കഴിയുന്ന സാബുന്റെയും സിന്ധുവിന്റെയും കഥ ഈ പ്രണയദിനത്തില് മാത്രമല്ല, പുതിയകാലത്തും പ്രസക്തമാണ്.
കണ്ടുമുട്ടിയ നാളും സ്വന്തമാക്കിയ ദിനവും ഓര്മയില്ല. അന്ന് ആ നാളില് തുടങ്ങിയ പ്രണയം ഇന്നും തുടരുകയാണവരില്.
സിന്ധുവിന് കാലുകള്ക്ക് ചലനശേഷിയില്ലാതിരുന്നതും, ഇരുവരും വ്യത്യസ്ഥമതവിഭാഗങ്ങളിലായിരുന്നതിനാലും ഒന്നാകുന്നതിന് എതിര്പ്പുകള് ഏറെയുണ്ടായിരുന്നു. ഒരപകടത്തില് സാബുവും വീല്ചെയറിലായതോടെയാണ് ഇരുവരും വൃദ്ധസദനത്തില് എത്തിയത്.
