വേണ്ട വിഷാദം സുമനസ്വിനി ; ഭവതി
ഭാഗ്യഹീനയെന്നു നിനച്ചുള്ള തേങ്ങലും …
വിരിയുമാ രാഗമലർ മല്ലികയിലി –
നിയും, പ്രത്യാശ തൻ മധു മലർ മൊട്ടുകൾ.
വരുമിനിയും പുലരികൾ ; രാവുകളിൽ
രാകേന്ദുവും പൊൻ കതിരൊളി –
കണ്ണെറിഞ്ഞു
താരാഗണങ്ങളും, ഉണർന്നിരുന്നീണങ്ങൾ
പാടിയുറക്കുവാൻ രാപ്പാടിക്കിളികളും ;
തപ്ത ശോകമൂകമായിന്നു
മരുവും നിൻ
മാനസം തൊട്ടുണർത്തി രാഗാർദ്രമാക്കുവാൻ …!
ലഹരി വിതച്ച് നാശം കൊയ്യുന്ന മനുഷ്യര് – വരദ മുരളീധരന്
March 2, 2026
