തിരുവനന്തപുരം:കെഎസ്ആര്ടിസി ശമ്പളം നാളെ മുതല് വിതരണം ചെയ്യുമെന്ന് മാനേജ്മെന്റ്. സര്ക്കാര് അനുവദിച്ച 30 കോടി ഉടന് കെഎസ്ആര്ടിസിയുടെ അക്കൗണ്ടിലെത്തും. ബാങ്കില് നിന്ന് ഓവര് ഡ്രാഫ്റ്റ് കൂടിയെടുത്ത് ശമ്പളം നല്കാനാണ് ശ്രമം.
ഇത്തവണ വിഷുവിനും ഈസ്റ്ററിനും കെഎസ്ആര്ടിസി ജീവനക്കാര്ക്ക് ശമ്പളം കിട്ടിയിട്ടില്ല. ഈ മാസം ശമ്പളം ലഭിച്ചാലും സമര പരിപാടികള് തുടരുമെന്നാണ് യൂണിയന് നേതൃത്വം പറയുന്നത്. എല്ലാ മാസവും അഞ്ചാം തീയതിക്ക് മുമ്പ് ശമ്പളം നല്കണമെന്ന കാരാര് വ്യവസ്ഥ പാലിക്കപ്പെടണമെന്നതാണ് ആവശ്യം.
