നിന്നെ കണികണ്ടുണരാൻ കൊതിയ്ക്കും വിഷുപ്പുലരികൾ … – പുഷ്പ ബേബി തോമസ്

നിന്നെ കണികണ്ടുണരാൻ കൊതിയ്ക്കും
വിഷുപ്പുലരികൾ …

നമ്മെ ഒന്നായി പ്രതിഫലിപ്പിക്കാൻ കാത്തിരിയ്ക്കും
വാൽക്കണ്ണാടിയും .

വിഷു അടയിൻ മധുരം നിറയും
ചുംബനങ്ങളാൽ
നിറയാനാവാതെ നുണക്കുഴികളും .

വേനലിൽ തീച്ചൂളയിൽ
പൊൻ തോരണമായി മാറും കർണ്ണികാരങ്ങൾ
തിരികെ നടത്തുന്നു ഓർമ്മകളിലേയ്ക്ക് ….

നിൻ വിഷുപ്പാട്ടിൽ ലയിച്ചിരിക്കാൻ
എനിക്കെന്നാവും കണ്ണാ ….

എന്തിന് വെറുതെ പൂക്കുന്നു കൊന്നേ …
എൻ്റെ കണ്ണനിങ്ങ് വന്നണയാതെ ???

പുഷ്പ ബേബി തോമസ്
🥀🥀🥀🥀🥀🥀🥀