വഴി പിഴച്ചൊഴുകുമൊരു പുഴയെ
മുന്നേപ്പോൽ
നേർവഴിയിൽ മുന്നോട്ടൊഴു
ക്കാൻ ;
വഴിമുട്ടിയേടം മുതൽ തടസ്സങ്ങ –
ളൊഴിവാക്കി വഴി തുറക്കണം വീണ്ടും
ഒഴുകും പുഴയും മനുഷ്യമനസ്സു –
മൊന്നുപോൽ ;
ഗതി തുടരുവാൻ നീക്കണം
തടസ്സങ്ങൾ ; വേണം പ്രയത്നം നിശ്ചയം
രണ്ടിനുമേതിനുമാർക്കു
മെക്കാലവും
വേണ്ടതു വേണ്ടും പോൽ വേണ്ടുന്ന നേരത്തു –
വേണ്ടത്ര തോന്നണം പാടില്ലരുതുകൾ
വേറൊന്നുമേ വേണ്ടന്യത്ര ചിന്തയൊന്നും ;
വേണ്ടുന്ന തോന്നലതാണാർക്കും പ്രധാനം
തോന്നലിലാണു കാര്യം ; നല്ലതു തോന്നി
നന്മയ്ക്കായ് ചെയ്യുന്നതത്രയും ഭവിയ്ക്കും ,
ഭാവിയിൽ ശ്രേയസ്സായ് ജീവിതപുണ്യമായ് ;
കൈവരും സുഖം സമസ്ത ലോകത്തിനും
വേണമെന്നില്ലന്യാരാധനോ
പാസന ,
കർമ്മത്തിലാണ് കാര്യം ;
ചെയ്ക സൽക്കർമ്മം.
ദേഹം മലിനമെങ്കിലുമതിലല്ല ശുദ്ധി, യതു വേണ്ടതു മനസ്സിനത്രെ !
വേണമാ ശുദ്ധി, വിവേക ബുദ്ധി രണ്ടും
ചേർന്നാലവൻ താൻ വിജയി, ജീവിതത്തിൽ !
ചിന്ത, വാഗ് കർമ്മ വൃത്തി
ശുദ്ധികൾ വന്നാൽ
സിദ്ധമാകുമാർക്കും സുഖ സന്തോഷങ്ങൾ !!
About The Author
One thought on “വഴി തുറക്കാം – സെബാസ്റ്റ്യൻ തേനാശ്ശേരി”
നല്ല കവിത