അഗ്നിപഥ് പ്രതിഷേധത്തേത്തുടര്ന്ന് കേരളത്തിലേയ്ക്കുളള രണ്ട് ട്രെയിനുകള് കൂടി റദ്ദാക്കി. നാളെ പുറപ്പെടേണ്ട സെക്കന്തരാബാദ് – തിരുവനന്തപുരം സെന്ട്രല് ശബരി എക്സ്പ്രസ് , 20 ന് പുറപ്പെടേണ്ട എറണാകുളം – പട്ന ബൈ വീക്കലി എക്സ്പ്രസ് എന്നിവയാണ് റദ്ദാക്കിയത്. ഇന്നലെ പുറപ്പെടേണ്ടിയിരുന്ന പട്ന – എറണാകുളം ബൈ വീക്ക് ലി സൂപ്പര് ഫാസ്ററും, സെക്കന്തരാബാദ് – തിരുവനന്തപുരം ശബരിയും നേരത്തെ റദ്ദാക്കിയിരുന്നു.
അതിനിടെ, പ്രതിഷേധം തണുപ്പിക്കാന് ആനുകൂല്യങ്ങള് പ്രഖ്യാപിച്ച് കേന്ദ്രസര്ക്കാര്. അഗ്നിപഥ് സേവനം പൂര്ത്തിയാക്കുന്നവര്ക്ക് അര്ധസൈനിക വിഭാഗങ്ങളില് പത്തുശതമാനം സംവരണം നല്കും. അസം റൈഫിള്സിലും പത്തുശതമാനം സംവരണം നല്കും. പ്രായപരിധിയില് ഈ വര്ഷം അഞ്ചുവര്ഷത്തെ ഇളവും പ്രഖ്യാപിച്ചു. എന്നാല് അഗ്നിപഥ് പദ്ധതിക്കെതിരായ പ്രതിഷേധം കൂടുതലിടങ്ങളിലേക്ക് വ്യാപിക്കുകയാണ്.
