മനസ്സേ നിൻജാലലീലയിലൊരുവൻ
ചിലപ്പോൾ മനുഷ്യനാകും
പലനേരമവനൊരു ചെകുത്താനാകും
അപൂർവ്വസമയം മാലാഖയും
(മനസ്സേ…)
കടിഞ്ഞാണില്ലാത്ത കുതിരയല്ലേ നീ-
യൊരിക്കലും തളരാത്ത തിരയല്ലേ (2)
ഒന്നിനു പിറകേയെന്നായ് പടരും
തിരമാലയെന്നപോൽ മോഹം നിന്നിൽ
അനന്തമായ് തുടരുന്നുവല്ലോ (2)
(മനസ്സേ…)
ഒരുപിടി ചാരമായ് തീരുംവരെ നീ-
യെന്നെ പുണർന്നുനടന്നതല്ലേ(2)
കൂടെ നടന്നിട്ടുമൊരു കാഴ്ചനൽകാതെ
പിരിഞ്ഞതു വെറുമൊരു കഥയാണോ
നീയൊരു സങ്കല്പമായിരുന്നോ (2)
(മനസ്സേ…)
🖊️ സെബാസ്റ്റ്യൻ ആർവിപുരം
