കവിത നമുക്ക് പ്രണയിക്കാം – ഹേമാ വിശ്വനാഥ്

Facebook
Twitter
WhatsApp
Email

പ്രിയനേ നീയെന്നോടു ചൊല്ലി
നിന്നെ ഞാൻ പ്രണയിക്കുന്നു
തമ്മിലറിയാതെ, കണ്ണുകൾ കോർക്കാതെ
ചുണ്ടുകൾ ചേരാതെ
ശബ്ദവീചികളിലൂടെ
അകലെയിരുന്നു
നിന്നെ ഞാൻ സ്‌നേഹിക്കുന്നു

ഒരു നിലാമഴയായ് നിന്നിൽപെയ്തിറങ്ങാൻ
നിൻ ഗന്ധം കാറ്റിലൂടെന്നെപ്പൊതിയാൻ
നിദ്രാവിഹീനയാമങ്ങളിലെൻ തൽപ്പംവിട്ട്
നിന്റെ ശയ്യാഗൃഹവാതിലിൽ
മുട്ടി വിളിക്കാൻ
ആശയേറെയുണ്ട്.

ഈ മൊഴിയിലെന്തു പറയേണ്ടു ഞാൻ
നീയാം പ്രണയക്കടലിൽ
കൂലംകുത്തിയൊഴുകും നദിയായ് വന്നുചേരാൻ
മോഹമേറെയുണ്ടെന്നിരിക്കിലും
തമ്മിൽ കാണാതെ നമുക്ക്
അകലെയിരുന്നു പ്രണയിച്ചിടാം.

About The Author

Leave a Reply

Your email address will not be published. Required fields are marked *