മേൽക്കോയ്മക്കാരധിക്കാരത്തിൽ മലിമസമാക്കിയ നാടായി കേരളം മേലനങ്ങാത്തയബദ്ധസഞ്ചാരികൾ മുച്ചൂടും മുടിപ്പിച്ച നാടായി കേരളം
മുന്തിയറുപ്പന്മാർ ചെങ്കോലുമേന്തി മേളം കൊട്ടുന്ന നാടായി കേരളം മുട്ടാപ്പോക്കുകളാകെ നിരത്തി മുതൽകൂട്ടില്ലാത്ത നാടായി കേരളം
മണ്ണും മനസ്സും ഹരിതാഭയാർന്ന മനോഹരമായ നാടന്ന് കേരളം മരപ്പാവപ്പോലായ ന്യായവേദികൾ മനം മടുപ്പിച്ച നാടായി കേരളം
മൂക്കറ്റം കുടിക്കുന്ന കുടിയന്മാരുടെ മാറ്റുരയ്ക്കുന്ന നാടായി കേരളം മനമങ്ങ് മിഴിയിങ്ങ് മെക്കിട്ടിരിക്കും മേലനങ്ങാത്തോരുടേതായി കേരളം
മഹനീയമായൊരാസഭാമന്ദിരം മങ്ങുത്രിശങ്കുവിലാക്കിയ കേരളം മുക്കിനും മൂലേലും തെണ്ടി നടന്നോർ മൂച്ച് കാട്ടുന്ന നാടായി കേരളം
മൂച്ച് തീർന്നാലേവരുമോച്ഛാനമോടെ മിണ്ടി നില്ക്കുന്ന നാടായി കേരളം മുട്ടിനോക്കാത്തോരിന്നിളഭ്യരായി മിഴിനീരിറ്റുന്ന നാടിന്നു കേരളം
മൂത്തു നരച്ചോരായോരെല്ലാമേ മക്കളാൽ നീറുന്ന നാടിന്നു കേരളം മാപ്പ് സാക്ഷികളായോരെല്ലാമങ്ങു മൊഴിമുട്ടിനില്ക്കുന്ന നാടിന്നു കേരളം
മൂക്കറ്റം കടമേറി തിങ്ങി വിങ്ങി മനമിടിയോരുടെ നാടായി കേരളം മൺമറഞ്ഞോരു മഹിതരായോരുടെ മഹിമകൾ വാഴ്ത്തിയ നാടന്ന് കേരളം
മകുടം ചാർത്തിയ കർഷകരായോർ മടച്ചു പൊന്നാക്കിയ നാടന്നു കേരളം മടച്ചാലും മടച്ചില്ലേലും കൂലിവാങ്ങാൻ മിടുക്കരായിത്തീർന്നിന്നുവേലക്
മുട്ടുമടക്കിമിഴിനട്ടുമൊഴിയറ്റു
മനസ്സില്ലാമനസ്സോടെ മറുനാട്ടിലെത്തി മടക്കാനുളുപ്പില്ലാ മലയാളി ബെസ്റ്റ് . മേലനങ്ങാതെ മടിശ്ശീല വീർക്കാനായി മുക്കിലും മൂലേലും മലയാളിയോടുന്നു.
മേൽപ്പടിയായിതാ യുവചൈതന്യം മേലിൽ പഠിച്ചിട്ടും കാര്യമില്ലെന്നായി മണ്ടി നടക്കുന്നു ലഹരിക്കടിമയായി മൽപ്പിടുത്തോമായി രണ്ടും കെട്ടങ്ങ്
മറുകണ്ടം ചാടുന്ന മോന്തായക്കാരുടെ മനസ്സിൽ തുളുമ്പും പരാജയബോധം മന്മഥമന്ഥരമാരേ വണങ്ങുന്നോരിന്ന് മനോരാജ്യത്തിലെ സ്വർഗ്ഗഭൂമിയായി മാപ്പില്ലമേലിലൊന്നറിയണമെന്നായി മറുപടിയോതാൻ പ്രകൃതിയൊരുങ്ങി. മഞ്ഞളിക്കാനനേകം ദുരിതങ്ങൾ മേളാംഗമാടീട്ടും മലയാളി പഠിച്ചില്ല മുടിചൂടാമന്നന്മാരിനിയുമറിഞ്ഞി
രചന: അഡ്വ: അനൂപ് കുറ്റൂർ .
