പണ്ട് വാസ്കോ ഡ ഗാമ
കാപ്പാട് വന്നിറങ്ങിയ പോലെ
ഞാന് നിന്നില് വന്നിറങ്ങുന്നു.
ഇനിമേല് നീ
ഞാന് വന്നിറങ്ങിയ ഇടം
എന്നറിയപ്പെടും.
അവന് അധികാരത്തോടെ
പറഞ്ഞു:
ഇല്ല നിനക്കിനി മുതല്
വേറെ വിലാസം.
അവള് അവനെ
രൂക്ഷമായി നോക്കി.
പേടി കൊണ്ടല്പം ഭയന്ന്
നോക്കുകയാവുമെന്ന്
അവന് കരുതി.
എന്നാലവള്
പ്രതിജ്ഞയെടുക്കുകയായിരുന്നുവെ
അവനൊട്ടും മനസ്സിലായതേയില്ല.
ഇതാ,തുടങ്ങിക്കഴിഞ്ഞു
സ്വാതന്ത്ര്യസമരം.
നിസ്സഹകരണം
ഉപവാസം
ഉപ്പു കുറുക്കല്
വിദേശവസ്ത്ര ബഹിഷക്കരണം
സ്വപ്നനൂല്പ്
ഒഴിഞ്ഞു പോ_യെന്ന്
അവസാനത്തെ ശ്വാസം വരെ
സ്വാതന്ത്ര്യത്തിനായുള്ള
മുറവിളി.
തടവും അടവും
തിരിച്ചറിഞ്ഞുള്ള മറുകടകം.
സ്വാതന്ത്ര്യപ്രഖ്യാപനം വരെ
അതിജീവിക്കുന്നതാരാവും?
