സ്വയംവരപ്പന്തലിൽ
ചിത്രരഥമേറിവരും സ്വർഗ്ഗലോകനർത്തകി നീ
സ്വപ്നലോകകല്പനയിൽ സപ്തവർണ്ണങ്ങളിൽ വിരിയും വാസന്തവനപുഷ്പം നീ
സ്വയംവരപ്പന്തലിൽ……….
മധുവിധുരാത്രിയിൽ
മണിയറശയ്യയിൽ
മലർശരമാകും ഞാൻ
നഖപരിലാളനസുഖമറിയും
നിൻ ഇണമാനാകും ഞാൻ
സ്വയംവരപ്പന്തലിൽ…..
താമരമിഴികളിൽ നനയുംനാണം
നുണഞ്ഞിരിക്കും ഞാൻ
തളിരിളം മേനിയിലതിമൃദുതരമായ്
തംബുരുമീട്ടും ഞാന്‍
സ്വയംവരപ്പന്തലിൽ……
സുമദലലഹരിയിൽ കൈവിരലാലേ
കളംവരയ്ക്കും ഞാന്‍
നിരുപമമലരിൽ മധുകണമുതിരും
ചുംബനമണിയും ഞാൻ
സ്വയംവരപ്പന്തലിൽ……….
About The Author
