ഉറവകള്‍ വറ്റിയെന്‍
പ്രണയവഴികള്‍ക്ക്
ചന്ദനച്ചാറിന്റെ
നേര്‍ത്ത ഗന്ധം
ആരുമറിയാതെ
ഹൃദയത്തില്‍ സൂക്ഷിച്ച
ചെമ്പനീര്‍പ്പൂവിന്റെ
ദലമര്‍മരം.
പ്രണയമധുരിമയാവോളം
നുകര്‍ന്നയാ
മധുരസ്മരണകള്‍-
ക്കെന്തു കാന്തി!
കളകളമൊഴുകിയ
അരുവിയോ ഗതി മാറി
ഒരുദിനം രണ്ടായ്
പിരിഞ്ഞകന്നു.
ഹൃദയമുറിവുകള്‍
സ്വപ്നങ്ങളായ് വന്നു
എന്നെന്നും താലോലിച്ചു-
ണര്‍ത്തിടുമ്പോള്‍
അടഞ്ഞയധ്യായങ്ങള്‍
തുറന്നു ഞാനതിലൊരു
പ്രണയ മയില്‍പ്പീലി
കരുതിവച്ചു.
About The Author
2 thoughts on “പ്രണയ മയില്‍പ്പീലി-പ്രമീളാ ദേവി”
Simple pretty lines
Lovely lines.. And feels a mild pain overflowing in the heart.