അലസമെന് ചിന്തകള് വഴിമാറിയൊഴുകുന്നു
അന്നത്തെ ഓണത്തിനോര്മ്മതന് ചാരത്തായ്…
അത്തം തുടങ്ങിയണഞ്ഞിടും പത്തുനാള്
ആഹ്ലാദമോടെ ഞാന് പാറിപ്പറന്നതും,
പൂക്കള് പറിച്ചതും,പൂക്കളമിട്ടതും
കൂട്ടരോടൊത്തു കളിച്ചുല്ലസിച്ചതും,
സദ്യവട്ടങ്ങള്ക്ക് ചുക്കാന് പിടിച്ചിടും,
അമ്മതന് ചാരേയലസം നടന്നതും..
ഉപ്പേരി, പപ്പടം പിന്നിലൊളിപ്പിച്ചു ,
സദ്യയെയോര്ത്തന്ന് സമയം കഴിച്ചതും..
പായസത്തിന്റെയാ നെയ്മണം നാവിലെ
തേനൂറുമോര്മ്മയിലേറെ തിളങ്ങിടൂ.
ഇന്നത്തെയോണത്തില് നല്ലോ-
ര്മ്മയൊന്നുമില്ലെല്ലാം സമൃദ്ധിയില്
പിന്നെന്തു പൊന്നോണം??
ആശകളെല്ലാം ദ്രുതമായ് നിറവേറി-
ലാശകള്ക്കപ്രാപ്യമാമൊന്ന് തേടും നാം..
നാവൂറും സദ്യതന് മഹിമ ചൊല്ലീടുകില്,
കൊച്ചു ബാല്യങ്ങള്ക്കതത്ര രസിപ്പീല..
പാശ്ചാത്യ ശീലങ്ങളൊന്നില്
ഭ്രമിച്ചോരില്
ബര്ഗറും പീസായും പുതുമ ഉണര്ത്തീടൂ…
