അത്രമേല് കരുതുന്നൊരാദി ചിന്ത എന്റെ
ചിത്തത്തിലുണരുന്ന ജീവ സത്ത.
മുത്തായി മാറ്റുന്ന ചിപ്പിയായ് ഭൂമിയാം
സത്യ പ്രപഞ്ച മഹാ സാഗരം. !
ഒറ്റയ്ക്ക് നിന്ന കണികാ ദ്വയങ്ങളില്-
അദ്വൈത സത്തയാ മേക . ചിന്ത
വര്ത്തമാനത്തെ ചലിപ്പിച്ച യത്ഭുത
സത്യ സമര്പ്പണം ജീവ ലോകം !
പൊട്ടിത്തെറിച്ചുരുവായിയെങ്കില് അതില്
കൃത്യമായുള്ച്ചേര്ന്ന പൂര്വാശ്രമം
എത്രയോ കോടി കഷണങ്ങളില് ജീവ
ത്വത്തായി വാഴും ചൈതന്യ ധാര !
പൊട്ടിവിരിഞ്ഞ പ്രകാശം തമസിന്റെ
ഭിത്തിയില് ചിത്രങ്ങള് കോറിടുമ്പോള്
എത്ര നിസാര കണികയിലും ഒരു
പുത്തന് പ്രസാദ വിലോല ഭാവം !
സപ്രേമം വാരിപ്പുണര്ന്നു നിഗൂഢമാം
മുത്തും പവിഴവും വാരി വാരി
അക്കരെയേതോയുഗത്തിന്റെ ചില്ലയില്
മറ്റൊരു പൂവായ് വിരിഞ്ഞുവെങ്കില് !
