സോദരേ ….!
മര്ത്യരാംനമ്മുടെ കനല്ജീവിതപ്പാത –
യൊന്നുതിരിഞ്ഞുനോക്കീടാം
അക്ഷരത്തീണ്ടലാലായിരം വര്ഷ-
മടിമകളായിക്കഴിഞ്ഞവര് നാം.
നായ്ക്കള് നളരികളുരഗങ്ങളല്ലേതുമെഥേഷ്ടം
വിഹരിക്കും വഴിത്താരപോലുമേ……
ബ്രാഹ്മണ വിലക്കിന്കരാളഹസ്തങ്ങളാല്. .
അവര്ണ്ണര്ക്കയിത്തമായ്മാറ്റി…..!
നവോത്ഥാനകാലപോരാട്ടവീര്യത്തിന്
പാതയില് വിപ്ളവക്കൊടിയതു
ശക്തിപ്രാപിച്ചതും
നന്മയ്ക്കുവളമായ് കരുത്തു പ്രാപിച്ചതു –
മോര്മ്മയിലൂടെച്ചികഞ്ഞെടുക്കുംന്നേരം
കാലം നമുക്കുനല്കുന്ന നല്ലോര്മ്മകള്……..
ഒന്നിച്ചുകൂടിപഠിച്ചിടാന് ഭക്ഷണ-
മൊന്നിച്ചിരുന്നുകഴിക്കാന്
വസ്ത്രമെഥേഷ്ടംധരിക്കാന്
പേരും തൊഴിലുമെന്നല്ല നമ്മള് – —
ക്കെല്ലാംസ്വതന്ത്രമായ് ചെയ്യാന്
അവസരമേകിയദീപശിഖകളാം
മഹാത്മാക്കള്ഗമിച്ചകാലടികളെ
പിന്തുടര്ന്നൂര്ജ്ജരായ് മുന്നോട്ടു പോയിടാം…
സമത്വമുണ്ടാകുന്നകാലം വരെ .
ഭരണഘടനവിഭാവന
ചെയ്യുന്നു തുല്യതയ്ക്കായുള്ള നിയമം
നേടണം നേടിയെടുക്കണമാരുടേം
ഔദാര്യമല്ലവകാശമോര്ക്ക……
പോരാട്ടമവശര്ക്കുവേണ്ടിയായിടണം
പോറ്റണമരെയുമിന്ഡ്യ …..
ഓരോ മനുഷ്യന്റെ ജീവിതത്തിന്നായും
കര്മ്മ –
കാണ്ഡം തുറക്കേണ്ടോര്…..!
…..
ഒരുനേരമന്നംകഴിക്കാന്
വകയില്ലാ മനുഷ്യരുണ്ടിന്നുമീ
ജന്മഭൂവില്…….!
അന്തിയുറങ്ങാനൊരു കൂരയില്ലാതെ
കേഴുന്നനാടുമീയിന്ഡ്യാ…….!
അക്ഷരത്തീണ്ടലേറ്റിന്നും മൃഗതുല്യരാ –
യലയും സ്വതന്ത്രമായുള്ള മണ്ണില്….
തെണ്ടിനടക്കുന്ന ലക്ഷോപലക്ഷങ്ങ –
ളിന്ഡ്യ പെറ്റുണ്ടായ മക്കളല്ലോ……..?
ചിന്തിക്കുകൂട്ടരേനമ്മള്തന് സോദരര്
ചന്തമില്ലാതെജീവിപ്പോര്……
അവരുടെ സ്വസ്തമാം ജീവിതമല്ലയോ
രാജ്യത്തിന് സ്വസ്തിയെന്നോര്ക്കൂ……..
അതുതന്നെയാകണമിന്ഡ്യ തന്
വികസന സ്വപ്നങ്ങളായ് ഭവിച്ചീടാന്…..
