വസന്തകാലസന്ധ്യകളുടെ
സ്നേഹത്തലോടല്
ഭൂമിയുടെ ഗര്ഭാശയത്തില്
ഉറങ്ങിക്കിടന്നിരുന്ന പൂമൊട്ടുകളെ
തൊട്ടുണര്ത്തി!
വിടര്ന്ന പൂക്കള്ക്കെല്ലാം
എന്തു ഭംഗി ! ഇവയിലേതിനേയാവോ
ആദ്യം ഒന്നു തൊടുക ?
ഏതു പൂവിലാണാവോ ആദ്യം കണ്ണുടക്കുക !
ഏതു പൂവിനാണാവോ ആദ്യചുംബനം
നല്കുക !
അങ്ങകലെ
രാപ്പാടി പാടുന്നത് കേള്ക്കുന്നില്ലോ?
രാത്രി മുഴുവന് പാടിയുണര്ത്തിയത്
ലില്ലിപ്പൂക്കളെയല്ലേ…..
ലില്ലികളുടെ സൗന്ദര്യവും
രാപ്പാടികളുടെ
സംഗീതവും
മനസ്സിലുണര്ത്തുന്നു
വീണ്ടുമൊരു വസന്തം…
