മനുജനെ മഹനീയനാക്കുവാന്
മത, ജാതീയതയല്ലയോര്ക്കണം !
‘മനുഷ്യത്വ’മതൊന്നു മാത്രമേ
മനുജന്നുള്ളകെടാവിളക്കുകള് .
‘ജാതീയത’മര്ത്യനാശത്തിന്
ജീര്ണ്ണിച്ചുള്ളൊരിടങ്ങള്മാത്രമാം !
ജീവഹാനിയ്ക്കുതുല്യമാണോ ര്ത്താ-
ലതിലെ ജീവിതങ്ങളും !
മാനവത്വം പിറക്കാത്ത
മത,ജാതീയ ചിന്തകള്!
മര്ത്യനെ മര്ത്യനറിയാത്ത
ക്രൂരചിന്തകരാക്കിടും.
പ്രാപഞ്ചികശക്തിയോരോന്നും
പ്രപഞ്ചത്തിന്കരങ്ങളാം
മഹത്തായുള്ളകരത്താലീ –
മഹിയില് നിര്മ്മിതികളും .
പരകോടിയിനങ്ങള് തന്
പ്രസവം നിര്വ്വഹിച്ചുര്വ്വി-
മുലയൂട്ടിവളര്ത്തുന്നു
മഹിതന്വിരിമാറിലായ്.
ഇഴതെറ്റാതെപണ്ടൊക്കെ –
യൊന്നിച്ചേവം പുലര്ന്നവര്!
സ്വാര്ത്ഥചിന്തയാല് മര്ത്യ-
സഞ്ചാരം ഗതിപിഴച്ചതായ്.
ഇഴയോരോന്നു നശിപ്പിച്ച –
ങ്ങില്ലം ചുട്ടു രസിക്കയോ?
സര്വ്വനാശത്തെവരവേല്ക്കാന്
നീട്ടൂ…. സ്വാര്ത്ഥകരങ്ങള് നീ
ഓരോ ജീവഗണങ്ങള് തന്
ജീവചര്യ പഠിക്കുക
വര്ഗ്ഗത്തെ,വഴിതെറ്റാതെ
വളര്ത്തുന്നുപ്രകൃതി നിഷ്ഠയാല് .
പ്രപഞ്ചഗമനത്തെ സദാ
പരി-
പാലിച്ചുപുലര്ന്നുപോകുവാന്
തുലനാവസ്ഥയതെപ്പോഴും
പാലിക്കുന്നന്യജീവികള്
മനുഷ്യനെന്നുള്ളഹം ചിന്ത
മനസ്സേപുലര്ത്തുന്നവന് !
മഹിയില് കാട്ടുമനാവൃത്തി
മഹിതന് നാശഹേതുവായ്
മനുഷ്യാ! നിന്റെദുഷിച്ചസ്വാര്ത്ഥത
മഹിയില് നാശവുമേറിയോര്ക്കുക !
മഹിയില് ജീവിതമെത്രനാളിനി
മരണം മാടിവിളിപ്പു നമ്മളെ .
മനുജാ….! നിന്റെ സഹോദരങ്ങളെ
മനസ്സാചേര്ക്കു ധരയ്ക്കു മോദമായ്!
സഹനത്താലെയുഴുതു മന്നിതില്
സ്നേഹവിത്താംനന്മവിതച്ചു കൊയ്യുവിന്.
