തുടർച്ചയായിയ രണ്ടാം തവണയും മുഖ്യമന്ത്രിയായി അധികാരമേറ്റ പിണറായി വിജയൻ സർക്കാരിന് ആശംസകൾ അറിയിച്ച് പ്രധാനമന്ത്രി നരേന്ദ്ര മോദി. രണ്ടാം തവണയും മുഖ്യമന്ത്രിയായി സത്യപ്രതിജ്ഞ ചെയ്ത് അധികാരമേറ്റ മുഖ്യമന്ത്രി പിണറായി വിജയന് അഭിനന്ദനങ്ങൾ എന്നാണ് പ്രധാനമന്ത്രി ട്വീറ്റ് ചെയ്തിരിക്കുന്നത്
തുടര്ഭരണമെന്ന ചരിത്രമെഴുതി പിണറായി വിജയന്റെ നേതൃത്വത്തിലുള്ള 21 അംഗ ഇടതുമുന്നണി മന്ത്രിസഭ സത്യപ്രതിജ്ഞ ചൊല്ലി അധികാരമേറ്റു. കോവിഡ് പ്രതിസന്ധി കാരണം, പങ്കെടുക്കുന്ന ആളുകളുടെ എണ്ണം വെട്ടിച്ചുരുക്കിയെങ്കിലും കേരളത്തിലങ്ങോളമിങ്ങോളം ലക്ഷക്കണക്കിന് ഇടതുമുന്നണി പ്രവര്ത്തകര് ഓണ്ലൈനിലും ടിവിയിലും ആവേശപൂര്വം ചടങ്ങിനു സാക്ഷികളായി.
സെക്രട്ടേറിയറ്റിനു പിന്നിലെ സെന്ട്രല് സ്റ്റേഡിയത്തില് ഒരുക്കിയ പന്തലില് ഗവര്ണര് ആരിഫ് മുഹമ്മദ് ഖാന് പിണറായി വിജയനും മന്ത്രിമാര്ക്കും സത്യവാചകം ചൊല്ലിക്കൊടുത്തു. വേദിയില് 140 അടി നീളത്തില് സ്ഥാപിച്ച എല്ഇഡി സ്ക്രീനില് ചടങ്ങിനു മുന്പ് 52 ഗായകരും സംഗീതജ്ഞരും അണിചേരുന്ന നവകേരള ഗീതാഞ്ജലി സംഗീതാവിഷ്കാരം പ്രദര്ശിപ്പിച്ചു. ക്ഷണിക്കപ്പെട്ട അതിഥികള്ക്കു മാത്രമായിരുന്നു ചടങ്ങിലേക്കു പ്രവേശനം.
