ഓർമ്മതൻ പാതയിൽ ഓടിക്കളിയ്ക്കുന്ന
കാലത്തിന് കൈകളിൽ ചാഞ്ഞുറങ്ങാം
നോവുന്നചിന്തയിൽ നീറുന്ന വേദന
നോവും ഹൃദയമായ് ചേർന്നുറങ്ങാം
വീഴാതെ പായയിൽ ചേർന്നു മയങ്ങുന്ന
അച്ഛന്റെ പാദത്തിൽ വീണലിയാം
പൂവായിനിന്നിൽഅണിയും പുതിയൊരു
പൂവാടയായികിടന്നുറങ്ങാം
തലചായ്ച്ചുമെല്ലെതിരിഞ്ഞൊന്നുനോക്കാതെ
തണലിൽ മയങ്ങി കിടന്നു റങ്ങാം
ഒരുരാഗഗീതത്തിനോർമ്മകൾ മേയുന്ന
ചെരിവുള്ള തിണ്ണയിൽ ചേർന്നിരിയ്ക്കാം
പരിഭവം കാണുകിൽ പഴി ചാരി പോവല്ലേ
പുതിയൊരുതലമുറനിന്നിലല്ലേ
ഇനിയും വരുമൊരു നവ മുകുളത്തിന്റെ
ചുടുനെടുവീർപ്പിൽ കിടന്നുറങ്ങാം
കൊതിയോടെ അമ്പിളി മാമനെ കണ്ടങ്ങു
പരിതാപകഥകൾപറഞ്ഞുറങ്ങാം
പകലിന്റെ പരിഭവം പിരിയാതെ ഇണചേർന്ന
ഇരുളിന്റെ മാറിൽ കിടന്നു റങ്ങാം
വിരിയും മലരിന്റെ പുതു മണം നുകരുന്ന
പുലരിയ്ക്കു കൂട്ടായി
ഞാനിരിയ്ക്കാം
തേനൂറും ചുണ്ടിലെ പാൽനിറമിന്നൊരു
പൂനിലാവായി ചൊരി
ഞ്ഞു മെല്ലെ
സുമ രാധാകൃഷ്ണൻ
About The Author
