കുവൈത്ത് സിറ്റി ∙ ഓരോ തസ്തികയ്ക്കും വേണ്ട വിദ്യാഭ്യാസ യോഗ്യതയുള്ളവരെ മാത്രം നിയമിച്ചാൽ മതിയെന്നു കുവൈത്ത് തീരുമാനിച്ചു. 1855 തസ്തികകളുടെ യോഗ്യത നിശ്ചയിച്ചു. ഇതിന്റെ വിവരങ്ങൾ www.manpower.gov.kw വെബ്സൈറ്റിൽ പ്രസിദ്ധപ്പെടുത്തി.
ചില ജോലികൾക്ക് വേണ്ട യോഗ്യത
∙ ടെക്നീഷ്യൻ, ട്രെയ്നർ, സൂപ്പർവൈസർ, ഷെഫ്, പെയിന്റർ, റഫറി: ഡിപ്ലോമ.
∙ യന്ത്രോപകരണങ്ങളുടെ ഓപ്പറേറ്റർ: ഇന്റർമീഡിയറ്റ് സർട്ടിഫിക്കറ്റ്
∙ ഡയറക്ടർ, എൻജിനീയർ, ഡോക്ടർ, നഴ്സ്, ജനറൽ ഫിസിസ്റ്റ്, ജനറൽ കെമിസ്റ്റ്, ജിയോളജിസ്റ്റ്, ഇൻസ്ട്രക്ടർ, അധ്യാപകൻ, മാത്തമറ്റിഷ്യൻ, സ്റ്റാറ്റിസ്റ്റിഷ്യൻ, മാധ്യമ മേഖലയിലെയും മറ്റും സ്പെഷലൈസ്ഡ് ജോലികൾ: ബിരുദം / തത്തുല്യ യോഗ്യത.
∙ റസ്റ്ററന്റ്, ബവ്റജിസ്- ഭക്ഷ്യവിതരണ കേന്ദ്രങ്ങൾ, ചില്ലറക്കച്ചവടം, ഹോട്ടൽ റിസപ്ഷൻ എന്നിവിടങ്ങളിൽ മാനേജർ: പ്രൈമറി വിദ്യാഭ്യാസത്തിൽ കുറയരുത്.
∙സെയിൽസ് റപ്രസന്റേറ്റീവ്, പത്രവിതരണക്കാർ, തൊഴിലാളികൾ, കാർഷിക തൊഴിലാളികൾ, സെക്യൂരിറ്റി ഗാർഡ്: ഇന്റർമീഡിയറ്റ്
വീസ മാറ്റാം
വ്യവസായം, കൃഷി, ആടുവളർത്തൽ, മത്സ്യബന്ധനം, സഹകരണ സ്ഥാപനം, സ്വതന്ത്ര വ്യാപാര മേഖല എന്നിവിടങ്ങളിലെ വീസ സ്വകാര്യമേഖലയിലെ തൊഴിൽ വീസയിലേക്കു മാറ്റാമെന്നു കുവൈത്ത് അറിയിച്ചു. തൊഴിലാളിക്ഷാമത്തെ തുടർന്നാണിത്. നിലവിൽ കുവൈത്തിൽ ഉള്ളവർക്കേ ഈ സൗകര്യമുണ്ടാകൂ.
English Summary: Kuwait mention qualifications for job
