“ജീവനില്ലാത്ത കല്ലും മരോം ചേർന്നതല്ലേ പള്ളീം അമ്പലോമൊക്കെ , “

“ജീവനില്ലാത്ത കല്ലും മരോം ചേർന്നതല്ലേ പള്ളീം അമ്പലോമൊക്കെ , ” ആലിലകളിൽ കാറ്റിൻ്റെ ആയിരം നാവിളക്കങ്ങൾ ശ്രദ്ധിച്ചുകൊണ്ട് ആൻ്റണി പറഞ്ഞു. “അങ്ങനെയെങ്കിൽ നിലവിലുള്ള സകല ഈശ്വര സങ്കൽപ്പങ്ങളേം നിഷേധിക്കുന്ന പുതിയൊരു ഈശ്വരനെ എന്തുകൊണ്ട് നമുക്കും സൃഷ്‌ടിച്ചൂടാ . ഈശ്വരനെ നേരിടാനായി മറ്റൊരു ഈശ്വരൻ .” ” കാക്കത്തൊള്ളായിരം ഈശ്വരന്മാരെ കൊണ്ട് പൊറുതിമുട്ടീരിക്കുമ്പോൾ പുതിയ ഒരുത്തനേക്കൂടി സൃഷ്ടിച്ചിട്ടെന്ത് കാര്യം ,” സഹീർ ചോദിച്ചു. ” കാര്യമുണ്ട് സഹീർ . സകല ഈശ്വരന്മാർക്കും ബദലായി നിൽക്കുന്നവനാണവൻ . അതിനാൽ നമ്മൾ സൃഷ്ടിക്കുന്ന പുതിയ ഈശ്വരൻ്റെ പേര് നിരീശ്വരൻ എന്നായിരിക്കും … അവിശ്വാസികൾ സ്ഥാപിച്ച ആ വിമത ദൈവം ദേശത്തിലെ വ്യത്യസ്തരായ ആൾക്കാരുടെ നിത്യജീവിതപ്രശ്നങ്ങൾക്ക് പരിഹാരമേകിക്കൊണ്ട് ജനവിശ്വാസത്തിൻ്റെ അടിസ്ഥാനമായി തീരുകയും അങ്ങനെ നായക പദവിയിലേക്ക് ഉയരുകയും ചെയ്യുന്നതിൻ്റെ രസകരമായ കഥ