“ഓനാള് ബയങ്കര മോസാലേ…?”
“ആര്..?”
“ആ രാജനെയ്..”
“ഏത് രാജൻ. വടക്കേലെ… ?”
“അല്ലെയ് … ”
“നാരായണേട്ടന്റെ രാജനോ ..?”
“അല്ലെടാ… ”
“പിന്നേത് രാജൻ ?”
“അക്ഷരക്കൂട്ടത്ത്ത്തെ രാജനെയ്.!”
” അവനെന്തേയ്..?”
“ഓന് ഇഞ്ഞെ കൊറേ ചീത്ത പർഞ്ഞു. ഇഞ്ചെ എയ്ത്തേള് ബയങ്കര മോസാന്ന് പർഞ്ഞു.”
“എപ്പൊ..?”
“ഇന്നലീം മിഞ്ഞാന്നും ഒക്കെപ്പർഞ്ഞു. ”
“എവ്ട്ന്ന് ..?”
“ഫോണ്ലെയ്..”
“വിള്ച്ചോ?”
“ഇല്ല..! ”
“പിന്നെ?”
“വാട്ട്സ് ആപ്പില് .
പി എം ൽ വന്ന്ങ്ങാണ്ട് …”
“അല്ലാണ്ട് നേരിട്ടല്ല..?”
“അല്ലല്ല..! ”
“ഇജ്ജോനെ ഇത് വരെ നേരിട്ട് കണ്ട്ക്ക്ണോ…?”
“ഇല്ല. ”
“തീരെ?”
“തീരെ കണ്ട്ട്ട് ല്ല. ”
“അന്നെ ഓനും കണ്ട്ട്ടില്ല. ?”
“ഇല്ല..! ”
” ഇന്നെട്ടും ഇങ്ങള് അങ്ങട്ടും ഇങ്ങട്ടും ഒര് പാട് കച്ചറ കൂടി. ”
“കൂടി. ”
“നല്ലോണം കൂടി .. ”
“കൂടി .. ”
“അതായത് ജീവിതത്തില് ഇത് വരെ കണ്ട്ട്ടില്ലാത്ത ഒരാള് . ഒര് പഷേ ഇഞ്ഞി ഒരിക്കലും കാണാൻ സാധ്യത ഇല്ലാത്ത ഒരാള് ഇന്ന് അന്റെ കൊടും സത്രുവായി. ലേ ….?”
“ആയി..”
“അതാണ് മനേ… ടെക്നോളജിന്റെ ഒര് വളർച്ച …! ”
സാക്കിർ – സാക്കി
നിലമ്പൂർ
About The Author
