നമ്മുടെ ശ്രദ്ധ പതറുന്നിടത്താണ് അസ്വസ്ഥതയും ആകുലതയും അപഭ്രംശങ്ങളും സംഭവിക്കുന്നത്. ഏകാഗ്രതാ ഭാവം നഷ്ടപ്പെടുമ്പോൾ നാം പലവിചാര ചിന്തകൾക്കടിമകളാകും. മനസ്സിനെ ഒന്നിൽ നിക്ഷിപ്തമാക്കാൻ കഴിഞ്ഞാൽ നമുക്ക് മനസ്സിന്റെ കടിഞ്ഞാൺ നഷ്ടമാകാതെ മുന്നേറാം. അത് മനസ്സിന്റെ അത്യുദാത്തമായൊരു ഭാവമാണ്. അത് സുഖസൗഭാഗ്യങ്ങളുടെ സംലഭ്യതയിൽ മാത്രമല്ല, അല്ലാത്ത കാര്യങ്ങളിലും സന്തോഷം പ്രദാനം ചെയ്യും. ഏകാഗ്രമായ ഒരു മനസ്സിലെ ഈ സന്തോഷം പിറവി കൊള്ളുകയുള്ളൂ. അത് ഫലമണിയാൻ നാം നമ്മുടെ മനസ്സിനെ ബോധപൂർവം ഒരുക്കണം. ജോസ് ക്ലെമന്റ്
About The Author
