ജഹനാര🍷സിരകളിൽ
അറേബ്യൻ വീഞ്ഞു പോലെ
നുരഞ്ഞു പതഞ്ഞൊഴുകിയല്ലോ.
ശരിതെറ്റുകളുടെ നേർത്ത
അതിർവരമ്പുകളിടിയുന്നതും മോഹരതിയുടെ ഭ്രമാത്മകമായ
തലത്തിലേക്ക് മനസ്സ് വഴുതി പോയതും സുഖനൊമ്പരത്തോടെ അറിഞ്ഞു .
വർണ്ണശബളിമയാർന്ന
പ്രകാശ വലയങ്ങളിൽ
അയഥാർഥ്യത്തിൻ്റെ പുകമറയിലൂടെ പർദ്ദയണിഞ്ഞ് അത്തറിൻ്റെ പരിമളം
പടർത്തി മലുക്കുകൾ സഞ്ചരിക്കുന്ന
മുഗൾ പ്രൗഢിയുടെ
സ്മാരകശിലകൾ പാകിയ കോട്ടകൊത്തളങ്ങളിലൂടെ
ജഹനാരയുടെ കൈപിടിച്ച്
നടന്നത് വായനക്കാരനല്ലേ…
എന്തൊരൽഭുതം!!
ആ യാത്ര അവിടം
കൊണ്ടവസാനിക്കുന്നില്ല.
രാജസ്ഥാനിലെ ഏതോ മീരാഘട്ടിൽ
കൃഷ്ണപാദം തേടിയലഞ്ഞ് മോക്ഷസമാധിയിൽ വിലയിച്ച പ്രേമഭിക്ഷുകിയുടെ അതേ ആത്മീയലയം വാക്കുകൾ കൊണ്ട് സൃഷ്ടിച്ചെടുത്ത കൺകെട്ട് വിദ്യ കമനീയം തന്നെ!!
കഥാഭൂമികയിൽ കാലദേശങ്ങളുടെ അടയാള രേഖകൾ അതീവ കരകൗശലത്തോടെ മായ്ച്ചു കളഞ്ഞല്ലോ മായ!!!
About The Author
